ഏതു വേഷം ധരിക്കാനും മോഷ്ടാവിന് പേടിയില്ല. സീസണനുസരിച്ച് വേഷം മാറുന്നവരാണ് മോഷ്ടാക്കള്‍. ഇപ്പോളിതാ തെക്കന്‍ അമേരിക്കയിലെ മിസിസിപ്പിയില്‍ നിന്നൊരു മോഷണത്തിന്റെ കഥ പുറത്തുവന്നിരിക്കുകയാണ്. ക്രിസ്മസല്ലേ അതിനാല്‍ തന്നെ മോഷ്ടാവ് ധരിച്ചതാവട്ടെ ക്രിസ്മസ് പാപ്പയുടെ വേഷവും.
ക്രിസ്മസ് പാപ്പയുടെ വേഷത്തിലെത്തി ബാങ്കുകൊളളയാണ് നടത്തിയിരിക്കുന്നത്. ക്രിസ്മസ് ആയതിനാല്‍ തന്നെ പാപ്പയേയും കൂട്ടരേയും വളരെ ആഘോഷപൂര്‍വമാണ് ബാങ്ക് ജീവനക്കാര്‍ വരവേറ്റത്. തന്റെ കൈയിലുളള മിഠായി ബാങ്കിലെ ജീവനക്കാര്‍ക്ക് കൊടുത്തുകൊണ്ട് അവരെയും സന്തോഷിപ്പിക്കുവാന്‍ പാപ്പയ്ക്ക് കഴിഞ്ഞു. തുടര്‍ന്ന് പണമടങ്ങിയ ബാഗുമായി നടന്നുപോകുന്ന സാന്തയുടെ ദ്യശ്യങ്ങളുമെല്ലാം സിസിടിവി കാമറയില്‍ പതിഞ്ഞു.
ഇപ്പോളിതാ പോലീസ് ഈ വീഡിയോകള്‍ പുറത്തുവിട്ടിരിക്കുകയാണ.് മോഷ്ടാവിനെ പിടികൂടുവാന്‍ ഇത്തരത്തില്‍ സാധിക്കുമെന്ന പ്രിതീക്ഷയിലാണ് പോലീസ്. എന്തായാലും പാപ്പ ആളൊരു വിരുതന്‍ തന്നെയാണ്. സമയത്തിനനുസരിച്ച് വേഷം മാറി മോഷണം നടത്തിയവനാണ് ഈ കളളന്‍.
