ജലന്ധർ: കോൺഗ്രസ് രാജ്യത്താകെ തകർന്നുകൊണ്ടിരിക്കുകയാണെന്ന് പ്രധാനമന്ത്രി നരേന്ദ്ര മോദി. കോൺഗ്രസ് ഇന്നലത്തെ വാർത്തയായിരുന്നു. എന്നാൽ രാജ്യത്താകെ കോൺഗ്രസ് തകർന്നുകൊണ്ടിരിക്കുകയാണെന്ന് അദ്ദേഹം പറഞ്ഞു. ജലന്ധറിൽ ബിജെപിയുടെ തെരഞ്ഞെടുപ്പു റാലിയെ അഭിസംബോധന ചെയ്യുകയായിരുന്നു അദ്ദേഹം.
കോൺഗ്രസിന് അധികാരമില്ലാത്തതിന്‍റെ നിരാശയാണ്. വെള്ളത്തിൽനിന്നും പുറത്തിട്ട മത്‌സ്യത്തിന്‍റെ അവസ്ഥയിലാണ് അദ്ദേഹം പരിഹസിച്ചു. പിടിച്ചുനിൽക്കാൻ കോൺഗ്രസ് എന്തും ചെയ്യും. അടുത്തിടെ ഉത്തർപ്രദേശിൽ സമാജ്‌വാദി പാർട്ടിയുമായി സഖ്യത്തിലായി. കഴിഞ്ഞ വർഷം ബംഗാൾ തെരഞ്ഞെടുപ്പിൽ ഇടതുപക്ഷവുമായി ചേർന്നു പ്രവർത്തിച്ചു. അധികാരത്തിനായി എന്തും ചെയ്യുന്ന അവസ്ഥയിലാണ് കോൺഗ്രസെന്നും മോദി ആരോപിച്ചു.
