ല
ലക്നോ: ബിജെപി ദേശീയ അധ്യക്ഷൻ അമിത് ഷായുടെ കസബ് പരാമർശത്തിന് തിരിച്ചടിയുമായി ബിഎസ്പി നേതാവ് മായാവതി രംഗത്തെത്തി. എല്ലാ കസബുമാരെക്കാളും വലിയ കസബാണ് അമിത് ഷായെന്ന് മായാവതി പറഞ്ഞു. ഏറ്റവും വലിയ ഭീകരൻ ആരാണെന്ന് രാജ്യത്തെ എല്ലാവർക്കും അറിയാം. അമിത് ഷായേക്കാളും വലിയ കസബിനെ കാണാൻ കഴിയില്ലെന്നും അവർ പറഞ്ഞു.
മുംബൈ ഭീകരാക്രമണക്കേസിലെ പ്രതി അജ്മൽ കസബിന്‍റെ പേര് ഉപയോഗിച്ചാണ് കഴിഞ്ഞ ദിവസം അമിത് ഷാ എതിരാളികളെ വിമർശിച്ചത്. കസബ് എന്ന പേരിലെ ഇംഗ്ലീഷ് അക്ഷരങ്ങൾ കോൺഗ്രസ്, സമാജ് വാദി പാർട്ടി, ബിഎസ്പി എന്നീ പാർട്ടികളുടെ ആദ്യാക്ഷരവുമായി താരതമ്യപ്പെടുത്തിയാണ് അമിത് ഷാ വിമർശനം ഉന്നയിച്ചത്. കസബിന് നാളിതുവരെ സംസ്ഥാനത്ത് പുരോഗതി കൊണ്ടുവരുവാൻ കഴിഞ്ഞിട്ടില്ല. യുപിയിലെ ജനങ്ങൾ സംസ്ഥാനത്തെ കസബ് വിമുക്തമാക്കണമെന്നും അമിത് ഷാ ആഹ്വാനം ചെയ്തു.
