വരുന്നുലോകമാസകലം തരംഗം സൃഷ്ടിച്ച പുലിമുരുകനുശേഷം മമ്മൂട്ടി-ഉദയകൃഷ്ണ ടീം ഒന്നിക്കുന്നുവെന്ന വാർത്തയാണ് ആരാധകരെ ആകാംക്ഷയുടെ മുൾമുനയിൽ എത്തിച്ചിരിക്കുന്നത്. ഉദയകൃഷ്ണ രചന നിർവഹിക്കുന്ന മമ്മൂട്ടി ചിത്രത്തിന്‍റെ ബജറ്റ് പത്തുകോടിയാണ്.
മമ്മൂട്ടി പ്രഫസറായി എത്തുന്ന ഈ ചിത്രം കാമ്പസിൽ ഉണ്ടാകുന്ന ഒരു കൊലപാതകവും അതിനെ ചുറ്റിപ്പറ്റിയുണ്ടാകുന്ന സംഭവങ്ങളുമാണ് അവതരിപ്പിക്കുന്നത്. മുകേഷ്, ഉണ്ണി മുകുന്ദൻ, സലിംകുമാർ, ഷാജോണ്, കൈലാഷ്, മഖ്ബൂൽ സൽമാൻ, ജോണ്, അർജുൻ നന്ദകുമാർ തുടങ്ങി നാൽപതോളം നടീനടൻന്മാരാണ് അഭിനയിക്കുന്നത്. നായികയും ചിത്രത്തിന്‍റെ പേരും ഇതുവരെ നിശ്ചയിച്ചിട്ടില്ല. മമ്മൂട്ടി-ഉദയകൃഷ്ണ ടീം ഒന്നിക്കുമ്പോൾ വീണ്ടും ഒരു തരംഗവിസ്മയമാണ് ആരാധകർ പ്രതീക്ഷിക്കുന്നത്.
