കേരളത്തില്‍ പാമ്പുപിടുത്തത്തില്‍ വാവാ സുരേഷിനെ വെല്ലാന്‍ ഇതുവരെ ആരുമുണ്ടായിട്ടില്ല. എന്നാല്‍ അദ്ദേഹത്തിന് വെല്ലുവിളിയാകുമോ എന്ന് സംശയിക്കത്തക്ക വിധത്തിലുള്ള ഒരു പ്രകടനമാണ് ഇപ്പോള്‍ പ്രശസ്ത അഭിനേതാവും നര്‍ത്തകിയുമായ ആശാ ശരത്ത് നടത്തിയിരിക്കുന്നത്.
മോഹന്‍ലാല്‍ മേജര്‍ രവി കൂട്ടുകെട്ടില്‍ തയ്യാറാവുന്ന പുതിയ ചിത്രമാണ് 1971 ബിയോണ്ട് ബോര്‍ഡേഴ്‌സ്. ചിത്രത്തിന്റെ ആദ്യ ടീസര്‍ കഴിഞ്ഞ ദിവസമാണ് പുറത്തുവന്നത്. ഇപ്പോഴിതാ ചിത്രീകരണ സമയത്തെ രസകരമായ ഒരു സംഭവം നടി ആശാ ശരത് തന്റെ ഫേസ്ബുക്ക് പേജില്‍ പോസ്റ്റ് ചെയ്തിരിക്കുന്നു. പാമ്പിനെ കണ്ട് ചെടികള്‍ക്കിടയില്‍ മറഞ്ഞ ഞാനെന്ന കുറിപ്പോടെയൊണ് ആശാ ശരത്തിന്റെ പോസ്റ്റ് ആരംഭിക്കുന്നത്.
പാമ്പിനെ കൈയിലെടുത്ത ഒരു ഫോട്ടോയും നടി ഫേസ്ബുക്കില്‍ പോസ്റ്റ് ചെയ്തിട്ടുണ്ട്. 1971 ബിയോണ്ട് ബോര്‍ഡേഴ്സിന്റെ ബാനറില്‍ ക്യമാറാമാനും ടീമിനുമൊപ്പം പാമ്പും പിന്നെ ഞാനും എന്നാണ് നടി കുറിച്ചിരിക്കുന്നത്. വിയറ്റ്‌നാം കോളനി എന്ന സിനിമയില്‍ ഇന്നസെന്റിന്റെ കഥാപാത്രം പറയുന്ന ഡയലോഗാണ് തനിക്ക് പാമ്പിനെ കൈയ്യില്‍ പിടിക്കാന്‍ ഊര്‍ജം പകര്‍ന്നതെന്ന സൂചനയും ആശാ ശരത് പോസ്റ്റിലൂടെ നല്‍കുന്നു.
