വല്ലാത്ത ശരിയാക്കായിപ്പോയി..! പു​റം​പോ​ക്കി​ൽ ക​ഴി​യു​ന്ന അ​ന്ധ​യാ​യ വീ​ട്ട​മ്മ​യെ ബി​പി​എ​ല്ലി​ൽ ​നി​ന്നും ഒ​ഴി​വാ​ക്കി; എന്തുചെയ്യണ മെന്നറിയാതെ വീട്ടമ്മ

എ​ട​ത്വ: സ​ർ​ക്കാ​ർ പു​റം​പോ​ക്കി​ൽ അ​ന്തി​യു​റ​ങ്ങു​ന്ന അ​ന്ധ​യാ​യ വി​ധ​വ​യു​ടെ കു​ടും​ബ​ത്തെ ബി​പി​എ​ൽ ലി​സ്റ്റി​ൽ നി​ന്നും ഒ​ഴി​വാ​ക്കി. ത​ക​ഴി ഗ്രാ​മ​പ​ഞ്ചാ​യ​ത്ത് എ​ട്ടാം​വാ​ർ​ഡി​ൽ ചെ​ക്കി​ടി​ക്കാ​ട് തു​രു​ത്തി​മാ​ലി പ​രേ​ത​നാ​യ ഔ​സേ​ഫ് തോ​മ​സി​ന്‍റെ ഭാ​ര്യ ഏ​ലി​യാ​മ്മ ഔ​സേ​ഫി​ന്‍റെ റേ​ഷ​ൻ കാ​ർ​ഡാ​ണ് ബി​പി​എ​ൽ ലി​സ്റ്റി​ൽ​നി​ന്ന് വെ​ട്ടി​മാ​റ്റി നോ​ൺ​പ്ര​യോ​റി​റ്റി ലി​സ്റ്റി​ൽ ഉ​ൾ​പ്പെ​ടു​ത്തി​യ​ത്.

ജ​ന്മ​ന അ​ന്ധ​രാ​യി​രു​ന്ന ഔ​സേ​ഫ്–​ഏ​ലി​യാ​മ്മ ദ​മ്പ​തി​ക​ളു​ടെ റേ​ഷ​ൻ​കാ​ർ​ഡ് പു​തു​ക്കു​ന്ന​തി​നു​മു​മ്പ് ബി​പി​എ​ൽ ലി​സ്റ്റി​ൽ അ​ന്ത്യോ​ജ​ന​യി​ൽ ഉ​ൾ​പ്പെ​ട്ടി​രു​ന്നു. കാ​ർ​ഡ് പു​തു​ക്കി​യ​ശേ​ഷം ര​ണ്ടാം​ഘ​ട്ടം പ്ര​സി​ദ്ധീ​ക​രി​ച്ച​പ്പോ​ഴും ഈ ​കു​ടും​ബം അ​ന്ത്യോ​ജ​ന​യി​ലാ​യി​രു​ന്നു ഉ​ൾ​പ്പെ​ട്ടി​രു​ന്ന​ത്.

എ​ന്നാ​ൽ റേ​ഷ​ൻ​കാ​ർ​ഡി​ലെ തെ​റ്റ് ഗ്രാ​മ​സ​ഭ വ​ഴി തി​രു​ത്തി മൂ​ന്നാം​ഘ​ട്ടം പ്ര​സി​ദ്ധീ​ക​രി​ച്ച​പ്പോ​ഴാ​ണ് നോ​ൺ​പ്ര​യോ​റി​റ്റി ലി​സ്റ്റി​ൽ ഉ​ൾ​പെ​ട്ട​ത്. മൂ​ന്നു​സെ​ന്റ് കു​ടി​കി​ട​പ്പി​ൽ അ​ട​ച്ചു​റ​പ്പി​ല്ലാ​ത്ത വീ​ട്ടി​ൽ ക​ഴി​ഞ്ഞു കൂ​ടു​ന്ന വി​ധ​വ​യാ​യ ത​ന്നോ​ട് അ​നീ​തി​യാ​ണ് കാ​ട്ടി​യ​തെ​ന്ന് ഏ​ലി​യാ​മ്മ പ​റ​യു​ന്നു. ഒ​മ്പ​തു​വ​ർ​ഷം മു​മ്പ് മ​ര​ണ​പ്പെ​ട്ട അ​ന്ധ​നാ​യ ഔ​സേ​ഫ് വ​ഴി​യ​രി​കി​ൽ ക​പ്പ​ല​ണ്ടി വി​റ്റാ​ണ് ഉ​പ​ജീ​വ​നം ന​ട​ത്തി വ​ന്നി​രു​ന്ന​ത്.

മ​ക്ക​ൾ പ്രാ​യ​പൂ​ർ​ത്തി​യാ​കു​ന്ന​തി​നു​മു​മ്പ് ഗൃ​ഹ​നാ​ഥ​ൻ മ​രി​ച്ചി​രു​ന്നു. തു​ട​ർ​ന്ന് അ​ന്ധ​യും നി​ത്യ​രോ​ഗി​യു​മാ​യ ഏ​ലി​യാ​മ്മ​യു​ടെ തു​ച്ഛ​മാ​യ പെ​ൻ​ഷ​ൻ തു​ക​യി​ൽ​നി​ന്നാ​ണ് മ​ക്ക​ളു​ടെ പ്രാ​ഥ​മി​ക വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​ത്. തു​ട​ർ​ന്നു പ​ഠി​ക്കാ​ൻ പ​ണ​മി​ല്ലാ​തെ വ​ന്ന​തോ​ടെ ഇ​വ​രു​ടേ​യും വി​ദ്യാ​ഭ്യാ​സം മു​ട​ങ്ങി​യി​രു​ന്നു.

ചി​കി​ത്സ​യ്ക്കും നി​ത്യ​ചെ​ല​വി​നും ബു​ദ്ധി​മു​ട്ടു​മ്പോ​ഴാ​ണ് നി​ന​ച്ചി​രി​ക്കാ​തെ റേ​ഷ​ൻ​കാ​ർ​ഡ് നോ​ൺ​പ്ര​യോ​റി​റ്റി ലി​സ്റ്റി​ലേ​ക്ക് മാ​റ്റി​യ​ത്. പ്രാ​ഥ​മി​ക ആ​വ​ശ്യ​ങ്ങ​ൾ​ക്കു​പോ​ലും മ​ക്ക​ളു​ടെ സ​ഹാ​യം വേ​ണ്ട ഇ​വ​ർ​ക്ക് ഏ​തു വാ​തി​ലി​ൽ മു​ട്ട​ണ​മെ​ന്നോ ആ​രു സ​ഹാ​യി​ക്കു​മെ​ന്നോ അ​റി​യി​ല്ല.