കൊച്ചി : കെ. മുരളീധരൻ എംഎൽഎയ്ക്കെതിരെ ബിജെപി സംസ്ഥാന പ്രസിഡന്‍റ് കുമ്മനം രാജശേഖരൻ നൽകിയ തെരഞ്ഞെടുപ്പു ഹർജി ഹൈക്കോടതി ഫയലിൽ സ്വീകരിച്ചു. കെ. മുരളീധരൻ ഉന്നയിച്ച പ്രാഥമിക തടസവാദങ്ങൾ തള്ളിയാണ് സിംഗിൾബെഞ്ച് ഹർജി ഫയലിൽ സ്വീകരിച്ചത്.
വട്ടിയൂർക്കാവ് മണ്ഡലത്തിൽ യുഡിഎഫ് സ്ഥാനാർഥിയായിരുന്ന കെ. മുരളീധരൻ വായ്പയെടുത്ത വിവരങ്ങൾ മറച്ചുവച്ച് മത്സരിച്ചെന്നാരോപിച്ചാണ് ഇവിടെ ബിജെപി സ്ഥാനാർഥിയായിരുന്ന കുമ്മനം ഹൈക്കോടതിയെ സമീപിച്ചത്.
