ഗായിക സിത്താര കൃഷ്ണകുമാർ സ്വന്തമായി വരികളെഴുതി, സംഗീതം നൽകി, പാടിയ പാട്ടാണ് സമൂഹ മാധ്യമങ്ങളിൽ ഇപ്പോൾ വൈറലായി ക്കൊണ്ടിരിക്കുന്നത്. അന്താരാഷ്്ട്ര വനിതാദിനത്തോടനുബന്ധിച്ച് എന്‍റെ ആകാശം എന്ന് പേരിട്ടിരിക്കുന്ന ആൽബം സിത്താരതന്നെയാണ് ആരാധകർക്കുമുന്നിൽ പങ്കുവച്ചത്. തന്‍റെ ഫേസ്ബുക്ക് പേജിലൂടെയാണ് ആൽബം പുറത്തിറങ്ങിയ വിവരം സിത്താര അറിയിച്ചത്.
പ്രായഭേദമെന്യേ എല്ലാവർക്കും ആസ്വദിക്കാൻ സാധിക്കുന്നതാണ് എന്‍റെ ആകാശത്തിലെ പ്രമേയമെന്ന് സിത്താര പറഞ്ഞു. സമൂഹത്തിന്‍റെ വിവിധ മേഖലകളിൽ കാണുന്ന സ്ത്രീകളെയെല്ലാം കോർത്തിണക്കി ഒരുക്കിയ ആറുമിനിട്ട് ദൈർഘ്യമുള്ള വീഡിയോ ആൽബമാണ് എന്‍റെ ആകാശം.രാത്രി യാത്ര ചെയ്യുന്ന സ്ത്രീകളെ ഉൾപ്പെടുത്തിയുളള വീഡിയോയിൽ സിത്താരയും പ്രത്യക്ഷപ്പെടുന്നുണ്ട്. രവിശങ്കർ സംവിധാനം ചെയ്തിരിക്കുന്ന ആൽബത്തിന്‍റെ എഡിറ്റിംഗ് നിർവഹിച്ചിരിക്കുന്നത് സൈജു ശ്രീധരാണ്.
