പെരുങ്കടവിള: അമരവിള പെരുങ്കടവിള ഒറ്റശേഖരമംഗലം റൂട്ടിൽ കെ എസ് ആർ ടി സി യെ തകർക്കാനായി സമാന്തര മാഫിയ സജീവമാണ് . നെയ്യാറ്റിൻകര ഡിപ്പോയിൽ നിന്ന് അമരവിള വഴി ഒറ്റശേഖരമംഗലത്തിന് സർവീസ് നടത്തുന്ന കെഎസ് ആർ ടി സി ബസുകളെല്ലാം മിക്ക ദിവസങ്ങളിലും യാത്രക്കാർ കുറവാ യിരിക്കും.
യാത്രക്കാർ കൂടുതലായുളള മാരായമുട്ടത്ത് നിന്നും ബസിനു മുന്നിൽ യാത്ര തുടങ്ങുന്ന സമാന്തരക്കാർ പിന്നെ ഒരൊറ്റ യാത്രക്കാരെ കെഎസ്ആർടിസി ബസിൽ കയറാൻ അനുവദിക്കില്ല . നാട്ടുകാരാരെങ്കിലും ഇത് ചോദ്യം ചെയ്താൽ പിന്നെ മറുപടി ഗുണ്ടായിസത്തിലൂടെയാവും. കഴിഞ്ഞ ദിവസം രാഷ് ട്ര ദീപികയിൽ സമാന്തരക്കാർക്കെതിരെ വാർത്ത വന്നിരുന്നു .ഇതിൽ പ്രകോപിതരായ സമാന്തര സർവീസുകാർ കഴിഞ്ഞ ദിവസം രാഷ് ട്രദീപികയുടെ വിതരണക്കാരിയെ അസഭ്യം പറ‍യുകയും ചെയ്തു.
