പറപ്പൂക്കര: പോങ്കോത്രയിൽ മാനസിക വെല്ലുവിളി നേരിടുന്ന പതിനഞ്ചുകാരിയെ ഒന്നരവർഷമായി ലൈംഗികമായി പീഡിപ്പിച്ച കേസിൽ അറസ്റ്റിലായ യുവാവിനെയും ഭാര്യാപിതാവിനെയും റിമാൻഡ് ചെയ്തു. പേരാന്പ്ര പാപ്പാത്ത് വീട്ടിൽ രാജു (39), ഇയാളുടെ ഭാര്യാപിതാവ് പോങ്കോത്ര കൊട്ടുംപുള്ളി രാജൻ(53) എന്നിവരെയാണ് പുതുക്കാട് പോലീസ് അറസ്റ്റുചെയ്ത് കോടതിയിൽ ഹാജരാക്കിയത്.
ഇരുവർക്കുമെതിരേ പോക്സോ പ്രകാരം കേസെടുത്തു.ഒന്നര വർഷമായി ഇവർ പെണ്‍കുട്ടിയെ പീഡിപ്പിച്ചുവരികയായിരുന്നുവെന്നു പോലീസ് പറഞ്ഞു. പീഡനവിവരം പുറത്തുപറഞ്ഞാൽ കൊന്നുകളയുമെന്നു ഭീഷണിപ്പെടുത്തിയിരുന്നു. ശാരീരിക അസ്വസ്ഥത അനുഭവപ്പെട്ട പെണ്‍കുട്ടി കഴിഞ്ഞദിവസം ആശുപത്രിയിൽ ചികിത്സ തേടിയെത്തിയപ്പോഴാണ് പോലീസ് വിവരമറിയുന്നത്.
തുടർന്ന് പോലീസ് പെണ്‍കുട്ടിയുടെ മൊഴി രേഖപ്പെടുത്തി. പ്രതികൾ രണ്ടുപേരും ഒരു വീട്ടിലാണ് താമസം. വ്യത്യസ്ത സമയങ്ങളിലാണ് ഇവർ പെണ്‍കുട്ടിയെ പീഡിപ്പിച്ചിരുന്നത്. പുതുക്കാട് സിഐ എസ്.പി.സുധീരന്‍റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്.
