പുതിയതെരു: നാടിന്‍റെ വികസനത്തിന് ഒറ്റക്കെട്ടായി നിൽക്കുന്ന പഴയ സംസ്കാരം ആണ് രാജ്യത്തിന് ആവശ്യം എന്ന് ഉമ്മൻചാണ്ടി. അതിനു പകരം രാഷ്ട്രീയ പാർട്ടികൾ പരസ്പരം വെട്ടി കൊല്ലാനാണ് മത്സരിക്കുകയാണ്. ഇക്കാരൃത്തിൽ മാറ്റം അനിവാര്യമാണ്. കോൺഗ്രസ് മുറുകെ പിടിച്ച ആശയങ്ങൾ വിലപ്പെട്ടതാണ് എന്ന് ചരിത്രം പരിശോധിച്ചാൽ മനസിലാവും. കേരളത്തിൽ ഏകാധിപതിയുടെ ഭരണം പരാജയപ്പെട്ടു എന്ന് അണികൾ പറഞ്ഞു തുടങ്ങി എന്നും ഉമ്മൻചാണ്ടി ചൂണ്ടിക്കാട്ടി.
പുതിയതെരുവിൽ കോൺഗ്രസ് ചിറക്കൽ മണ്ഡലം കമ്മിറ്റി ഓഫീസ് ഉദ്ഘാടനം ചെയ്ത ശേഷം സംസാരിക്കുകയായിരുന്നു അദ്ദേഹം. ലീഡർ കെ.കരുണാകരൻ സ്മാരക ഹാൾ സണ്ണി ജോസഫ് എംഎൽഎ യും ഫോട്ടോ അനാഛാദനം പി.രാമകൃഷ്ണനും നേതാക്കളെ ആദരിക്കൽ ഡിസിസി പ്രസിഡന്‍റ് സതീശൻ പാച്ചേനിയും കലോത്സവ വിജയികളെ അനുമോദിക്കൽ എ.പി.അബ്ദുള്ളകുട്ടിയും നിർവഹിച്ചു.
കെ.സുരേന്ദ്രൻ അധൃക്ഷത വഹിച്ചു. കെ.ബാലകൃഷ്ണൻ, കാട്ടാമ്പള്ളി രാമചന്ദ്രൻ, പി.വി.ബാലകൃഷ്ണൻ, പി.ഒ.ചന്ദ്രമോഹനൻ,ഷറഫുദ്ദീൻ കാട്ടാമ്പള്ളി,സുരേഷ്ബാബു എളയാവൂർ,ടി.ജയകൃഷ്ണൻ,രജിത്ത് നാറാത്ത്,ഒ.നാരായണൻ, എ.അബ്ദുൽ ഖാദർ കുഞ്ഞി,പാറയിൽ ശ്രീരതി,ടി.എം.സുരേന്ദ്രൻ, ജി.ബാബു എന്നിവർ പങ്കെടുത്തു.
