പിലിക്കോട്: പറവകൾക്കായി എംഎസ്എഫ് സ്ഥാപിച്ച തണ്ണീർകുടത്തിൽ ചുവന്ന ചായം തേച്ച് എസ്എഫ്ഐ എന്നെഴുതിയതായി പരാതി. തൃക്കരിപ്പൂർ ഗവ.പോളി ടെക്നിക് കോളജിൽ എംഎസ്എഫ് നേതൃത്വത്തിലാണ് പൊള്ളുന്ന വേനൽ ചൂടിൽ പറവകൾക്ക് ആശ്രയമായി തണ്ണീർകുടമൊരുക്കിയത്.
കഴിഞ്ഞ വർഷം എംഎസ്എഫ് യൂണിറ്റ് സ്ഥാപിച്ച തണ്ണീർ കുടം കോളജ് ക്യന്പസിനകത്ത് തകർത്തത് വിവാദമുണ്ടാക്കിയിരുന്നു. തൃക്കരിപ്പൂർ ഗ്രാമ പഞ്ചായത്ത് സ്ഥിരം സമിതി അധ്യക്ഷൻ വി.കെ. ബാവ ഉദ്ഘാടനം ചെയ്തു അരമക്കൂറിനകമാണ് തണ്ണീർകുടത്തിന്‍റെ പുറം ഭാഗത്ത് ചുവന്ന ചായം പൂശി എസ്എഫ്ഐ എഴുതിയതായി പരാതി ഉയർന്നത്.
