ചവറ: ഗുണ്ടാ ആക്രമണത്തിൽ ദന്പതികൾക്ക് പരിക്ക്. ചവറ ആണുവേലിൽ വടക്ക് ശിവദാസനും ഭാര്യ ഭദ്രയ്ക്കുമാണ് പരിക്ക്. ഇന്നലെ രാത്രി 11 നാണ് ആക്രമണം. വീട്ടിലെത്തിയ അക്രമികൾ വാതിൽ ചവിട്ടിപൊളിച്ച് അകത്തുകടക്കുകയായിരുന്നു .
കൈയിൽ കരുതിയിരുന്ന മാരകായുധങ്ങൾ കൊണ്ട് ഇരുവരെയും അടിക്കുകയും ടിവി, കട്ടിലുകൾ ജനലുകൾ തുടങ്ങിയവ അടിച്ചുതകർക്കുകയുമായിരുന്നു. വീട്ടുമുറ്റത്തെചെടികളും വാഴകളും പൂർണമായും നശിപ്പിച്ചു. ശിവദാസന്‍റെ മകനുമായി അക്രമിസംഘത്തിൽപ്പെട്ട ചിലർ ഉത്സവസ്ഥലത്തുവച്ച് വാക്കേറ്റം നടത്തിയിരുന്നു.
ഇതിന്‍റെ പ്രതികാരമാണ് വീടുകയറി ആക്രമണമെന്ന് ചവറ പോലീസ് പറഞ്ഞു.സംഭവവുമായി ബന്ധപ്പെട്ട് മൂന്നുപേരെ ചവറ പോലീസ് കസ്റ്റഡിയിലെടുത്തതായും സൂചനയുണ്ട്. പരിക്കേറ്റ ശിവദാസനും ഭാര്യയും കരുനാഗപ്പള്ളി താലൂക്ക് ആശുപത്രിയിൽ ചികിത്സയിലാണ്.
