മുംബൈ: വാത്മീകി മഹര്‍ഷിയെ അപമാനിച്ചെന്ന കേസില്‍ ബോളിവുഡ് നടി രാഖി സാവന്ത് അറസ്റ്റില്‍. മുംബൈയില്‍ എത്തിയ പഞ്ചാബ് പോലീസാണ് രാഖിയെ അറസ്റ്റ് ചെയ്തത്. വാത്മീകി മഹര്‍ഷിയെ അപമാനിച്ചതിലൂടെ മതവികാരം വ്രണപ്പെടുത്തിയെന്ന കേസില്‍ രാഖി സാവന്തിനെതിരെ കോടതി അറസ്റ്റ് വാറണ്ട് പുറപ്പെടുവിച്ചിരുന്നു.
ലുധിയാന കോടതിയാണ് അറസ്റ്റ് വാറണ്ട് പുറപ്പെടുവിച്ചത്. മതവികാരം വ്രണപ്പെടുത്തിയെന്നാരോപിച്ച് വാത്മീകി സമുദായക്കാര്‍ നല്‍കിയ പരാതിയിലാണ് കേസെടുത്തത്. കഴിഞ്ഞ വര്‍ഷം രാഖി സാവന്ത് പങ്കെടുത്ത സ്വകാര്യ ടെലിവിഷന്‍ ചാനല്‍ പരിപാടിയിലാണ് വാത്മീകി മഹര്‍ഷിക്കെതിരെ അപകീര്‍ത്തികരമായ പ്രസ്തവാന നടത്തിയത്.
