ത​ട​സ​ങ്ങ​ളെ​ല്ലാം നീ​ങ്ങി; പൂ​രം വെ​ടി​ക്കെ​ട്ട് ക​സ​റും; ഇരുദേ​വ​സ്വം ഭാ​ര​വാ​ഹി​ക​ൾ​ക്കും പൂ​ര പ്രേ​മി​ക​ൾ​ക്കും ആ​ഹ്ലാ​ദം; വെ​ടി​ക്കെ​ട്ടി​ന് അ​തി​നൂ​ത​ന സു​ര​ക്ഷാ സം​വി​ധാ​നം

തൃ​ശൂ​ർ: തൃ​ശൂ​ർ പൂ​രം വെ​ടി​ക്കെ​ട്ടി​നുമേൽ പടർന്ന കാ​ർ​മേ​ഘ​ങ്ങ​ളെ​ല്ലാം നീ​ങ്ങി​യ​തി​ൽ തി​രു​വ​ന്പാ​ടി, പാ​റ​മേ​ക്കാ​വ് ദേ​വ​സ്വം ഭാ​ര​വാ​ഹി​ക​ൾ​ക്കും പൂ​ര പ്രേ​മി​ക​ൾ​ക്കും ആ​ഹ്ലാ​ദം. പൂ​രം വെ​ടി​ക്കെ​ട്ട് സാ​ധാ​ര​ണ പോ​ലെ ന​ട​ത്തു​ന്ന​തി​നു​ള്ള എ​ല്ലാ ഒ​രു​ക്ക​ങ്ങ​ളും ആ​രം​ഭി​ച്ച​താ​യി ദേ​വ​സ്വം ഭാ​ര​വാ​ഹി​ക​ൾ പ​റ​ഞ്ഞു. ഇ​നി തി​ര​ക്കി​ട്ട ജോ​ലി​ക​ളാ​ണ്. ര​ണ്ടു ദി​വ​സ​ങ്ങ​ൾ​ക്കു​ള്ളി​ൽ ത​ന്നെ വെ​ടി​ക്കെ​ട്ട് ലൈ​സ​ൻ​സി​യെ ക​ണ്ടെ​ത്തി വെ​ടി​ക്കെ​ട്ട് സാ​മ​ഗ്രി​ക​ൾ നി​ർ​മി​ക്കാ​നു​ള്ള ന​ട​പ​ടി​ക​ളാ​രം​ഭി​ക്കും. സാ​ധാ​ര​ണ ര​ണ്ടു മാ​സം മു​ന്പു  വെ​ടി​ക്കെ​ട്ടി​നു​ള്ള ഒ​രു​ക്ക​ങ്ങ​ൾ ആ​രം​ഭി​ക്കാ​റു​ണ്ട്.

ഇ​ത്ത​വ​ണ വെ​ടി​ക്കെ​ട്ട് ന​ട​ക്കു​മോ​യെ​ന്നു ത​ന്നെ സം​ശ​യ​മു​ണ്ടാ​യി​രു​ന്ന​തി​നാ​ൽ കാ​ര്യ​മാ​യ ഒ​രു​ക്ക​ങ്ങ​ൾ ന​ട​ത്താ​നാ​യി​രു​ന്നി​ല്ല. എ​ന്നാ​ൽ ചു​രു​ങ്ങി​യ സ​മ​യ​ങ്ങ​ൾ​കൊ​ണ്ടു ത​ന്നെ വെ​ടി​ക്കെ​ട്ടി​ന് പ്രൗ​ഢി കു​റ​യാ​തെ എ​ല്ലാം ഭം​ഗി​യാ​ക്കാ​നു​ള്ള ശ്ര​മ​ങ്ങ​ൾ​ക്കാ​ണ് തു​ട​ക്കം കു​റി​ച്ചി​രി​ക്കു​ന്ന​ത്. ഇ​ന്ന​ലെ തി​രു​വ​ന​ന്ത​പു​ര​ത്ത് ന​ട​ന്ന ഉ​ന്ന​ത​ത​ല യോ​ഗ​ത്തി​ലാ​ണ് അ​നു​മ​തി ന​ൽ​കാ​ൻ തീ​രു​മാ​നി​ച്ച​ത്. പൊ​ട്ടാ​സ്യം ക്ലോ​റേ​റ്റ് ഉ​പ​യോ​ഗി​ക്കാ​ൻ അ​നു​വ​ദി​ക്കി​ല്ലെ​ന്നാ​യി​രു​ന്നു വ്യ​വ​സ്ഥ. ഇ​ത് നേ​ര​ത്തെ ത​ന്നെ ത​ങ്ങ​ൾ അം​ഗീ​ക​രി​ച്ചി​രു​ന്ന​താ​യി ദേ​വ​സ്വം ഭാ​ര​വാ​ഹി​ക​ൾ വ്യ​ക്ത​മാ​ക്കി.

പൊ​ട്ടാ​സ്യം ക്ലോ​റേ​റ്റ് ഉ​പ​യോ​ഗി​ക്കാ​തി​രു​ന്നാ​ൽ വെ​ടി​ക്കെ​ട്ടി​ന് ശ​ബ്ദം കു​റ​യു​മെ​ന്നു മാ​ത്രം. വെ​ടി​ക്കെ​ട്ടി​ന് എ​ക്സ്പ്ലോ​സീ​വ് വി​ഭാ​ഗം ഒ​രാ​ഴ്ച​യ്ക്കു​ള്ളി​ൽ ലൈ​സ​ൻ​സ് ന​ൽ​കും. കേ​ന്ദ്ര​നി​ർ​ദേ​ശ​ങ്ങ​ൾ പൂ​ർ​ണ​മാ​യി പാ​ലി​ച്ച് സു​ര​ക്ഷി​ത​ത്വം ഉ​റ​പ്പു​വ​രു​ത്തി​യാ​വും വെ​ടി​ക്കെ​ട്ട് ന​ട​ത്തേ​ണ്ട​തെ​ന്ന്് യോ​ഗ​ത്തി​ൽ ധാ​ര​ണ​യാ​യി. വെ​ടി​ക്കെ​ട്ടി​ലെ പ്ര​ധാ​ന ഇ​ന​മാ​യ ഗു​ണ്ട്, അ​മി​ട്ട്, കു​ഴി​മി​ന്ന​ൽ ഉ​ൾ​പ്പെ​ടെ​യു​ള്ള​വ​യു​ടെ നി​ർ​മാ​ണം ന​ട​ത്തു​ന്ന​തി​ന് മു​ന്നോ​ടി​യാ​യി ത​മി​ഴ്നാ​ട്ടി​ലെ ശി​വ​കാ​ശി​യി​ലു​ള്ള ഫ​യ​ർ​വ​ർ​ക്സ് റി​സ​ർ​ച്ച് ഡെ​വ​ല​പ്മെ​ന്‍റ് സെ​ന്‍റ​റി​ൽ പ​രി​ശോ​ധ​ന ന​ട​ത്തും.

പൂ​ര​ത്തി​ന് അ​തി​നൂ​ത​ന സു​ര​ക്ഷാ സം​വി​ധാ​ന​ങ്ങ​ൾ ഒ​രു​ക്കാ​നും യോ​ഗ​ത്തി​ൽ തീ​രു​മാ​ന​മാ​യി. രാ​ജ്യ​ത്തു ത​ന്നെ ആ​ദ്യ​മാ​യാ​ണ് പൂ​രം വെ​ടി​ക്കെ​ട്ടി​ന് ഇ​ത്ത​ര​ത്തി​ൽ സു​ര​ക്ഷ​യൊ​രു​ക്കു​ന്ന​ത്. പെ​ട്രോ​ളി​യം ഉ​ൽ​പ​ന്ന​ങ്ങ​ൾ സൂ​ക്ഷി​ക്കു​ന്ന സ്ഥ​ല​ങ്ങ​ളി​ലെ മാ​തൃ​ക​യി​ൽ ഹൈ​വോ​ളി​യം ലോം​ഗ് റേ​ഞ്ച് മോ​ണി​റ്റ​റു​ള്ള വെ​ള്ളം പ​ന്പു ചെ​യ്യു​ന്ന​തി​നു​ള്ള സം​വി​ധാ​ന​ങ്ങ​ളാ​ണ് വെ​ടി​ക്കെ​ട്ടു ന​ട​ത്തു​ന്ന തേ​ക്കി​ൻ​കാ​ട് മൈ​താ​ന​ത്ത് ഒ​രു​ക്കു​ക. വെ​ടി​ക്കെ​ട്ട് സാ​മ​ഗ്രി​ക​ൾ സൂ​ക്ഷി​ക്കു​ന്ന സ്ഥ​ല​ത്തും ഫി​നി​ഷിം​ഗ് പോ​യി​ന്‍റി​ലും ഇ​തു​ണ്ടാ​കും.

തൃ​ശൂ​രി​ലെ എം​എ​ൽ​എ കൂ​ടി​യാ​യ മ​ന്ത്രി വി.​എ​സ്.​ സു​നി​ൽ​കു​മാ​റി​ന്‍റെ എം​എ​ൽ​എ ഫ​ണ്ടു​പ​യോ​ഗി​ച്ചാ​ണ് ഇ​ത് സ്ഥാ​പി​ക്കു​ക. സു​ര​ക്ഷാ ന​ട​പ​ടി​ക​ളു​ടെ ഭാ​ഗ​മാ​യി റി​സ്ക് അ​സൈ​സ്മെ​ന്‍റ് ഡി​സാ​സ്റ്റ​ർ മാ​നേ​ജ്മെ​ന്‍റ് പ്ലാ​ൻ ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ൽ ത​യ്യാ​റാ​ക്കും. തി​രു​വ​ന്പാ​ടി, പാ​റ​മേ​ക്കാ​വ് ദേ​വ​സ്വം ഭാ​ര​വാ​ഹി​ക​ളു​ടെ​യും വെ​ടി​ക്കെ​ട്ട് നി​ർ​മാ​ണ പ്ര​തി​നി​ധി​ക​ളു​ടെ​യും യോ​ഗം ക​ള​ക്ട​ർ എ.​കൗ​ശി​ക​ൻ അ​ടു​ത്ത ദി​വ​സം വി​ളി​ച്ചു ചേ​ർ​ക്കും. തി​രു​വ​ന​ന്ത​പു​ര​ത്ത് ന​ട​ന്ന യോ​ഗ​ത്തി​ൽ മ​ന്ത്രി വി.​എ​സ്.​സു​നി​ൽ​കു​മാ​റി​നു പു​റ​മേ മ​ന്ത്രി​മാ​രാ​യ എ.​സി.​ മൊ​യ്തീ​ൻ, സി.​ ര​വീ​ന്ദ്ര​നാ​ഥ് എ​ന്നി​വ​രും പ​ങ്കെ​ടു​ത്തി​രു​ന്നു.