ദിസ്പൂര്‍: സഹോദരന്റെ മൃതദേഹം സൈക്കിളില്‍ കെട്ടിവച്ച് വീട്ടിലെത്തിയ സംഭവം അന്വേഷിക്കാനെത്തിയ സംഘം പാലം തകര്‍ന്ന് പുഴയില്‍ വീണു. ഗ്രാമത്തിനെ പുറം ലോകവുമായി ബന്ധിപ്പിച്ചിരുന്ന മുളകൊണ്ടുള്ള പാലമാണ് അന്വേഷണ സംഘത്തിന്റെ ഭാരം താങ്ങാനാവാതെ തകര്‍ന്നു വീണത്. ഉദ്യോഗസ്ഥര്‍ ചില്ലറ പരിക്കുകളോടെ രക്ഷപ്പെട്ടു. മുഖ്യമന്ത്രി ശര്‍ബാനന്ദ സോനാവാളിന്റെ മണ്ഡലമായ മാജൂളിയിലാണ് സംഭവം.
ദിസ്പൂര്‍: സഹോദരന്റെ മൃതദേഹം സൈക്കിളില്‍ കെട്ടിവെച്ച് വീട്ടിലെത്തിച്ച സംഭവം അന്വേഷിക്കാനെത്തിയ സംഘം പാലം തകര്‍ന്ന് പുഴയില്‍ വീണു. ഗ്രാമത്തെ പുറംലോകവുമായി ബന്ധിപ്പിച്ചിരുന്ന പാലമാണ് അന്വേഷണസംഘം കയറിയതോടെ തകര്‍ന്ന് വീണത്. ഉദ്യോഗസ്ഥര്‍ ചെറിയപരുക്കുകളോടെ രക്ഷപ്പെട്ടു. ബിജെപി ഭരിക്കുന്ന അസമില്‍ മുഖ്യമന്ത്രി സര്‍ബനാനന്ദ സോനാവാളിന്റെ മണ്ഡലമായ മാജുളിയിലാണ് സംഭവം.സൈക്കിളില്‍ കെട്ടിവെച്ച സഹോദരന്റെ മൃതദേഹവുമായി പാലത്തിലൂടെ സ്വന്തം ഗ്രാമമായ ലൂയിത് ഖബാലുവിലേക്ക് പോകുന്ന യുവാവിന്റെ വേദനിപ്പിക്കുന്ന ദൃശ്യം വലിയ വാര്‍ത്തയായിരുന്നു.കോണ്‍ക്രീറ്റ് പാലമില്ലാത്തതിനാല്‍ മരിച്ചവരേയും രോഗികളേയും മുളപ്പാലത്തിലൂടെയാണ് കൊണ്ട് പോയിരുന്നത്. എന്തായാലും പാലം തകര്‍ന്നതിനാല്‍ ഗ്രാമവാസികള്‍ക്ക് നദി കടക്കണമെങ്കില്‍ ഇനി നീന്തുക മാത്രമേ വഴിയുള്ളൂ.
