തീ​വെ​ട്ടി​യി​ൽ തി​ള​ങ്ങു​ന്ന സ്വ​ർ​ണം…! തൃശൂർ പൂരത്തിലെ കരിവീരന്മാരെ പൊന്നണിയി ക്കാൻ ഇരു ദേവസ്വങ്ങളിലെയും നെ​റ്റി​പ്പ​ട്ട​ങ്ങ​ൾ ഒ​രു​ങ്ങു​ന്നു

അജിൽ നാരായണൻ

സ്വ​ർ​ണ​പ്ര​ഭ​യി​ൽ സ​ർ​വാ​ഭ​ര​ണ​ങ്ങ​ൾ
തൃ​ശൂ​ർ: നെ​റ്റി​പ്പ​ട്ടം കെ​ട്ടി​യ കൊ​ന്പ​നെ​പ്പോ​ലെ എ​ന്നൊ​രു പ്ര​യോ​ഗ​മു​ണ്ട്. ആ ​ഗ​മ​യ്ക്കു​മേ​ലു​ള്ള അ​ല​ങ്കാ​ര​മാ​ണ് ആ​ന​യ്ക്ക് മ​സ്ത​കം മു​ത​ൽ തു​ന്പി​ക്കൈ​യു​ടെ പ​കു​തി​യോ​ള​വും വീ​ണു​കി​ട​ക്കു​ന്ന നെ​റ്റി​പ്പ​ട്ടം. സ​ർ​വ​തും സ്പെ​ഷ​ൽ ആ​യ തൃ​ശൂ​ർ​പൂ​ര​ത്തി​ന്‍റെ നെ​റ്റി​പ്പ​ട്ട​മാ​ണെ​ങ്കി​ൽ ഈ ​ഗ​മ ഇ​ര​ട്ടി​യി​ലും അ​ധി​ക​മാ​വും. പൂ​ര​ങ്ങ​ളു​ടെ പൂ​ര​ത്തി​നാ​യി പൊ​ന്നി​ൻ​തി​ള​ക്ക​മു​ള്ള നെ​റ്റി​പ്പ​ട്ട​ങ്ങ​ളു​ടെ നി​ർ​മാ​ണം ഇ​രു ദേ​വ​സ്വ​ങ്ങ​ളു​ടെ​യും അ​ണി​യ​റ​യി​ൽ പു​രോ​ഗ​മി​ക്കു​ക​യാ​ണ്.

നെ​റ്റി​യി​ലെ ആ​ഭ​ര​ണം
നെ​റ്റി​പ്പ​ട്ടം മൂ​ന്നു​ത​ര​മാ​ണ്- ചൂ​ര​പ്പൊ​ളി, നാ​ഗ​പ​ടം, വ​ണ്ടോ​ട്. തി​ട​ന്പേ​റ്റു​ന്ന ആ​ന​യു​ടെ സ്പെ​ഷ​ൽ ആ​ഭ​ര​ണ​മാ​ണ് ചൂ​ര​പ്പൊ​ളി. ഇ​ട​ത്തേ​യും വ​ല​ത്തേ​യും കൂ​ട്ടാ​ന​ക​ൾ​ക്കു​ള്ള​താ​ണ് നാ​ഗ​പ​ടം. മ​റ്റ് ആ​ന​ക​ൾ​ക്കെ​ല്ലാം വ​ണ്ടോ​ട്. നെ​റ്റി​പ്പ​ട്ട​ത്തി​ൽ ഉ​യ​ർ​ന്നുനി​ൽ​ക്കു​ന്ന വ​ലി​യ കു​മി​ള​ക​ളാ​ണ് കി​ണ്ണ​ങ്ങ​ൾ. വ​ലി​പ്പ​മ​നു​സ​രി​ച്ച് വ​ട്ട​ക്കി​ണ്ണം, എ​ട​ക്കി​ണ്ണം, നി​റ​ക്കി​ണ്ണം എ​ന്നി​ങ്ങ​നെ വേ​ർ​തി​രി​ക്കും. കി​ണ്ണ​ങ്ങ​ൾ​ക്കു ചു​റ്റും പി​ടി​പ്പി​ക്കു​ന്ന കു​മി​ള​ക​ളാ​ണ് ഓ​രോ നെ​റ്റി​പ്പ​ട്ട​ത്തി​ന്‍റേയും പേ​രി​ന് അ​ടി​സ്ഥാ​നം.

ചൂ​ര​ൽ പൊ​ളി​ച്ച ആ​കൃ​തി​യി​ൽ കു​മി​ള​ക​ളു​ള്ള നെ​റ്റി​പ്പ​ട്ട​മാ​ണ് ചൂ​ര​പ്പൊ​ളി. കാ​ണാ​ൻ ഏ​റ്റ​വും ഭം​ഗി​യു​ള്ള​തും തി​ട​ന്പേ​റ്റു​ന്ന ഗ​ജ​വീ​ര​ൻ അ​ണി​യു​ന്ന​തു​മാ​യ നെ​റ്റി​പ്പ​ട്ട​മാ​ണി​ത്. സൂ​ര്യ​കാ​ന്തി​പ്പൂ​ക്ക​ൾ വി​രി​ഞ്ഞു​നി​ൽ​ക്കു​ന്ന​തു​പോ​ലെ തോ​ന്നും ചൂ​ര​പ്പൊ​ളി നെ​റ്റി​പ്പ​ട്ട​ങ്ങ​ൾ സൂ​ക്ഷ​്മ​മാ​യി പ​രി​ശോ​ധി​ച്ചാ​ൽ.

തി​ട​ന്പേ​റ്റി​യ ആ​ന​യു​ടെ ഇ​ട​തും വ​ല​തു​മു​ള്ള കൂ​ട്ടാ​ന​ക​ൾ അ​ണി​യു​ന്ന നെ​റ്റി​പ്പ​ട്ട​മാ​ണ് നാ​ഗ​പ​ടം. കി​ണ്ണ​ങ്ങ​ൾ​ക്കു ചു​റ്റും ത​ല​യു​യ​ർ​ത്തി നി​ൽ​ക്കു​ന്ന നാ​ഗ​ങ്ങ​ളെ​പ്പോ​ലു​ള്ള കു​മി​ള​ക​ളാ​ണ് ഇ​ത്ത​രം നെ​റ്റി​പ്പ​ട്ട​ങ്ങ​ളു​ടെ പ്ര​ത്യേ​ക​ത. മ​റ്റ് ആ​ന​ക​ൾ​ക്കെ​ല്ലാം വ​ണ്ടോ​ട് നെ​റ്റി​പ്പ​ട്ട​മാ​ണ് ആ​ഭ​ര​ണം. വ​ണ്ടി​ന്‍റെ തോ​ടു​പോ​ലെ​യാ​ണ് ഇ​തി​ലെ കു​മി​ള​ക​ൾ എ​ന്നാ​ണ് വി​ശേ​ഷി​പ്പി​ക്ക​പ്പെ​ടു​ന്ന​ത്.

തീ​വെ​ട്ടി​യി​ൽ തി​ള​ങ്ങു​ന്ന സ്വ​ർ​ണം
നെ​റ്റി​പ്പ​ട്ട​ത്തി​ലെ ലോ​ഹ​ഭാ​ഗ​ങ്ങ​ളെ​ല്ലാം ചെ​ന്പ് ഉ​പ​യോ​ഗി​ച്ചാ​ണ് നി​ർ​മി​ക്കു​ന്ന​ത്. ഇ​വ ഓ​രോ വ​ർ​ഷ​വും പു​തു​താ​യി സ്വ​ർ​ണം പൂ​ശി പു​തു​ക്കി​യെ​ടു​ക്കു​ക​യാ​ണ് ചെ​യ്യു​ക. തീ​വെ​ട്ടി​ക്കു​മു​ന്പി​ൽ വെ​ട്ടി​ത്തി​ള​ങ്ങു​ന്ന ആ​ഭ​ര​ണ​മാ​ണ് രാ​ത്രി​യി​ൽ ക​രി​വീ​ര​നു മാ​റ്റു​കൂ​ട്ടു​ന്ന​ത്. ച​ന്ദ്ര​ക്ക​ല, കു​മി​ള, കി​ണ്ണം തു​ട​ങ്ങി ആ​യി​ര​ക്ക​ണ​ക്കി​നു ലോ​ഹ ഭാ​ഗ​ങ്ങ​ൾ ഓ​രോ നെ​റ്റി​പ്പ​ട്ട​ത്തി​നു​മു​ണ്ടാ​കും. ഇ​വ​യെ​ല്ലാം സ്വ​ർ​ണം പൂ​ശി മി​നു​ക്കി​യെ​ടു​ക്കു​ക​യെ​ന്ന​ത് സ​ങ്കീ​ർ​ണ​മാ​യ പ്ര​ക്രി​യ​യാ​ണ്.

ഇ​ങ്ങ​നെ ഒ​രു നെ​റ്റി​പ്പ​ട്ടം പു​തു​ക്കി​യെ​ടു​ക്കാ​ൻ ആ​റു ദി​വ​സ​ത്തോ​ള​മെ​ടു​ക്കു​മെ​ന്നു തി​രു​വ​ന്പാ​ടി​യു​ടെ ച​മ​യ ഒ​രു​ക്ക​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന പു​രു​ഷോ​ത്ത​മ​ൻ പ​റ​യു​ന്നു. ആ​റോ​ളം ക​ലാ​കാ​ര​ൻ​മാ​രു​ടെ അ​ധ്വാ​ന​വും ഒ​രു ല​ക്ഷം രൂ​പ​യോ​ളം ചെ​ല​വും ഇ​തി​നാ​യി വേ​ണ്ടി​വ​രും.

നാ​ലു ദി​വ​സ​മെ​ടു​ത്താ​ണ് ലോ​ഹ​ഭാ​ഗ​ങ്ങ​ൾ സ്വ​ർ​ണം പൂ​ശി മി​നു​ക്കി​യെ​ടു​ക്കു​ന്ന​ത്. ര​ണ്ടു ദി​വ​സം​കൂ​ടി​യെ​ടു​ത്ത് പൊ​ടി​പ്പും തൊ​ങ്ങ​ലും കാ​ളാ​ഞ്ചി​യും തു​ന്നി​ച്ചേ​ർ​ക്കു​ന്ന​തോ​ടെ നെ​റ്റി​പ്പ​ട്ടം അ​ണി​യാ​ൻ പാ​ക​ത്തി​ൽ റെ​ഡി. കു​ന്ന​ത്ത​ങ്ങാ​ടി സ്വ​ദേ​ശി വ​സ​ന്ത​ന്‍റെ നേ​തൃ​ത്വ​ത്തി​ലാ​ണ് പാ​റ​മേ​ക്കാ​വി​ന്‍റെ നെ​റ്റി​പ്പ​ട്ട​ങ്ങ​ൾ ഒ​രു​ങ്ങു​ന്ന​ത്.