ക്ഷേ​ത്ര​ക്കു​ളം വൃ​ത്തി​യാ​ക്കാ​ൻ തീ​രു​മാ​നി​ച്ച തൊ​ട്ട​ടു​ത്ത ദി​വ​സം കുളത്തിലെ മ​ത്സ്യ​ങ്ങ​ൾ ച​ത്തു​പൊ​ന്തിയതിൽ ദുരൂഹത; സംഭവത്തിൽ പോലീസ് അന്വേഷണം തുടങ്ങി

ചാ​ഴൂ​ർ: ക്ഷേ​ത്ര​ക്കു​ളം വൃ​ത്തി​യാ​ക്കാ​ൻ തീ​രു​മാ​നി​ച്ച തൊ​ട്ട​ടു​ത്ത ദി​വ​സം ക്ഷേ​ത്ര​ക്കു​ള​ത്തി​ലെ മീ​നു​ക​ൾ കൂ​ട്ട​ത്തോ​ടെ ച​ത്തു​പൊ​ന്തി.പാ​റ​ക്കു​ള​ങ്ങ​ര ധ​ർ​മ്മ​ശാ​സ്ത്ര ക്ഷേ​ത്ര​ക്കു​ള​ത്തി​ലെ വ​ലു​തും ചെ​റു​തു​മാ​യ മ​ത്സ്യ​ങ്ങ​ളാ​ണ് ച​ത്തു​പൊ​ന്തി​യ​ത്. മീ​നൂ​ട്ട് ക​ട​വി​ൽ ക​ട്ട്‌ല, ക​രി​മീ​ൻ എ​ന്നീ വ​ലി​യ മീ​നു​ക​ളും പ​ര​ൽ ഉ​ൾ​പ്പെ​ടെ​യു​ള്ള ചെ​റി​യ മീ​നു​ക​ളു​മാ​ണ് ച​ത്ത് പൊ​ന്തി​യ​ത്.

ക​ഴി​ഞ്ഞ 24നു ​രാ​വി​ലെ ക്ഷേ​ത്രം ട്ര​സ്റ്റ് യോ​ഗം ചേ​ർ​ന്ന് ക്ഷേ​ത്ര​ക്കു​ളം വൃ​ത്തി​യാ​ക്കാ​ൻ തീ​രു​മാ​നി​ച്ച​താ​യി ട്ര​സ്റ്റ് മെ​ന്പ​ർ ജ​യ​ച​ന്ദ്ര​ൻ പ​റ​ഞ്ഞു. കു​ള​ത്തി​ലെ മീ​നു​ക​ളെ പി​ടി​ച്ച് വ​ലി​യ ടാ​ങ്കി​ലാ​ക്കി കു​ളം വൃ​ത്തി​യാ​ക്കി​യ​ശേ​ഷം വീ​ണ്ടും കു​ള​ത്തി​ലേ​ക്ക് ത​ന്നെ മീ​നു​ക​ളെ വി​ടാ​നാ​യി​രു​ന്നു തീ​രു​മാ​നം. എ​ന്നാ​ൽ, പി​റ്റേ​ന്ന് രാ​വി​ലെ കു​റ​ച്ച് മീ​നു​ക​ൾ വെ​ള്ള​ത്തി​നു മു​ക​ളി​ൽ മ​യ​ങ്ങി​ക്കി​ട​ന്നി​രു​ന്നു​വെ​ങ്കി​ലും പി​ന്നീ​ട് ഈ ​മീ​നു​ക​ൾ കു​ള​ത്തേ​ക്ക് താ​ഴ്ന്നു​പോ​യി.

ഉ​ച്ച​ക​ഴി​ഞ്ഞ് മൂ​ന്നി​നു കു​ള​ത്തി​ലെ മീ​നു​ക​ളെ​ല്ലാം കൂ​ട്ട​ത്തോ​ടെ ച​ത്തു​പൊ​ന്തു​ക​യാ​യി​രു​ന്നു.പെ​ട്ടെ​ന്നു മീ​നു​ക​ൾ കൂ​ട്ട​ത്തോ​ടെ ച​ത്തു​പൊ​ന്തി​യ സം​ഭ​വ​ത്തി​ൽ ട്ര​സ്റ്റ് ഭാ​ര​വാ​ഹി​ക​ൾ അ​ന്തി​ക്കാ​ട് പോ​ലീ​സി​ൽ പ​രാ​തി ന​ൽ​കി. മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് ഉ​ദ്യോ​ഗ​സ്ഥ​ർ ഇ​ന്നു രാ​വി​ലെ കു​ള​ത്തി​ലെ വെ​ള്ള​ത്തി​ന്‍റെ സാ​ന്പി​ൾ പ​രി​ശോ​ധ​ന​യ്ക്കെ​ടുത്തു.