തലശേരി: കതിരൂർ പോലീസ് സ്റ്റേഷൻ പരിധിയിൽ പോലീസ് നടത്തിയ മിന്നൽ റെയ്ഡിൽ വൻ ആയുധശേഖരം പിടികൂടി. എരുവട്ടി പൊട്ടംപാറ ചക്യത്ത് കാവിന് സമീപത്തെ ആളൊഴിഞ്ഞ പറന്പിൽനിന്ന് 10 വാളുകളാണ് കണ്ടെടുത്തത്.
ഇതിൽ അഞ്ചെണ്ണം പുതിയ വാളുകളാണ്. കൂത്തുപറന്പ് സിഐ യു. പ്രേമൻ, തലശേരി സിഐ പ്രദീപൻ കണ്ണിപ്പൊയിൽ, കതിരൂർ എസ്‌ഐ രാമദാസ് എന്നിവരുടെ നേതൃത്വത്തിലുള്ള പോലീസ് സംഘവും ബോംബ് സ്ക്വാഡും ഡോഗ് സ്ക്വാഡുമാണ് റെയ്ഡ് നടത്തിയത്. രാവിലെ ആരംഭിച്ച റെയ്ഡ് തുടരുകയാണ്.
