താരരാജാവ് എന്ന ഓമനപ്പേരില്‍ അറിയപ്പെടുന്ന മമ്മൂട്ടിയുടെ പ്രിയപുത്രനും താരപദവിയിലേയ്ക്ക് ഉയരുന്നതുമായ ദുല്‍ഖര്‍ സല്‍മാന് ഇപ്പോള്‍ ആരാധകര്‍ക്ക് ഒട്ടും കുറവില്ല. എന്നാല്‍ ആരാധകര്‍ അപരന്മാരായി മാറിയാലോ. ദുല്‍ഖറിന് ഒരു ഇരട്ട കൂട്ടിയുണ്ടോ എന്ന സംശയമാണ് ഇപ്പോള്‍ സമൂഹമാദ്ധ്യമങ്ങളില്‍ ചര്‍ച്ചയായിരിക്കുന്നത്.
ദുല്‍ഖര്‍ സല്‍മാന്റെ അതേ ഛായയും സാദ്യശ്യവുമുള്ള ഒരു യുവാവാണ് സംശയത്തിന് കാരണം. ദുല്‍ഖറിന്റെ രൂപസാദൃശ്യമുള്ള ഖത്തറില്‍ നിന്നുള്ള ഒരു വ്യക്തി അടുത്തിടെ സോഷ്യല്‍ മീഡിയയില്‍ താരമായിരുന്നു. ഇപ്പോഴിതാ മലപ്പുറത്തുനിന്ന് ദുല്‍ഖറിന് വീണ്ടുമൊരു അപരന്. അന്‍ഷാദ് എന്നാണ് കക്ഷിയുടെ പേര്. അന്‍ഷാദ് ഫേസ്ബുക്കില്‍ പോസ്റ്റ് ചെയ്യുന്ന ചിത്രങ്ങള്‍ കണ്ടാണ് ആളുകള്‍ ഇദ്ദേഹത്തിന് ദുല്‍ഖറിന്റെ ഛായയുണ്ടെന്ന് പറഞ്ഞു തുടങ്ങിയത്. ഇപ്പോള്‍ ഒരു കൊച്ചു സെലിബ്രിറ്റിയായി മാറിയിരിക്കുകയാണ് അന്‍ഷാദ്.
