കായംകുളം: വഴി തര്‍ക്കം അന്വേഷിക്കാന്‍ എത്തിയ എസ് ഐ വീട്ടമ്മയെ മര്‍ദിച്ചതായി പരാതി. കായംകുളം എരുവ കര്‍ത്തുമ്പി ഭവനത്തില്‍ ശുഭ (34 ) ആണ് കരീലകുളങ്ങര എസ് ഐ ക്കെതിരെ ഡിജിപിക്കും ,മനുഷ്യാവകാശ കമ്മീഷനും പരാതിനല്‍കിയത് . കഴിഞ്ഞ ദിവസം രാത്രി 7.30 ഓടെ ഭര്‍ത്താവ് സന്തോഷിനെ അന്വേഷിച്ചു സിവില്‍ ഡ്രെസ്സില്‍ എത്തിയ എസ് ഐ തന്‍റെ കഴുത്തില്‍ പിടിച്ചു തള്ളുകയും മര്‍ദിക്കുകയും ചെയ്തെന്നു വീട്ടമ്മ പരാതിയില്‍ പറയുന്നു.
വഴിതര്‍ക്കവുമായി ബന്ധപ്പെട്ട് ഭര്‍ത്താവുള്‍പ്പെടെ പത്തോളം പേര്‍ക്കെതിരെ കേസുമുണ്ട്. കേസിലുള്‍പ്പെട്ട ഭര്‍ത്താവിനെ അന്വേഷിച്ചു കരീലക്കുളങ്ങര എസ് ഐ സിവില്‍ ഡ്രെസ്സില്‍ വീട്ടിലും പരിസരത്തും നിരന്തരം എത്താറുണ്ടെന്നും ഇവര്‍ നല്‍കിയ പരാതിയില്‍ പറയുന്നു.
