കേരളത്തിന്‍റെ ആദ്യത്തെ കപ്പലായ എം.വി. കൈരളിയുടെ തിരോധാന കഥ സിനിമയാകുന്നു. നിവിൻ പോളി നായകനാകുന്ന ചിത്രം സംവിധാനം ചെയ്യുന്നത് പ്രശസ്ത ഛായാഗ്രാഹകൻ ജോമോൻ ടി. ജോണ് ആണ്. കൈരളി എന്നാണ് ചിത്രത്തിന്‍റെ പേര്.
1979ൽ 49 ക്രൂ അംഗങ്ങളുമായി കാണാതെ പോയ കേരളത്തിന്‍റെ ആദ്യത്തെ കപ്പൽ എം. വി. കൈരളിയുടെ കഥയാണ് ചിത്രത്തിന്‍റെ പ്രമേയം.സിദ്ധാർഥ് ശിവയാണ് ചിത്രത്തിന്‍റെ തിരക്കഥ രചിക്കുന്നത്. പോളി ജൂണിയർ പിക്ചർ, റിയൽ ലൈഫ് വർക്ക്സ് എന്നീ പ്രോഡക്ഷൻ കന്പനികളാണ് ചിത്രം നിർമിക്കുന്നത്. ഡിസംബറിൽ ചിത്രത്തിന്‍റെ ഷൂട്ടിംഗ് ആരംഭിക്കും. നിവിൻ തന്‍റെ ഫേസ്ബുക്ക് പേജ് മുഖേനയാണ് വാർത്ത ആരാധകരുമായി പങ്കുവച്ചത്.
