കുഞ്ഞുണ്ടായപ്പോൾ മുതൽ കരീനയ്ക്ക് ചുറ്റും വിമർശകരാണ്. എങ്ങോട്ട് തിരിഞ്ഞാലും എന്തു ചെയ്താലും വിമർശനം. ഇപ്പോൾ ഇതാ താരത്തെ വിമർശിക്കാനായി പുതിയൊരു കാര്യം കൂടി കണ്ടെത്തിരിക്കുകയാണ് ആരാധകർ. മറ്റൊന്നുമല്ല കരീന മകൻ തൈമൂറിനെ വീട്ടിൽ തനിച്ചാക്കി അമ്മയായ കരീന ജിമ്മിൽ പോകുന്നു എന്നതാണു വിഷയം. കുഞ്ഞുണ്ടായ ശേഷം നന്നായി വണ്ണം വച്ച കരീന ശരീരം പഴയ രീതിയിൽ ആകുന്നതിനു വേണ്ടിയാണു ജിമ്മിൽ പോകുന്നത്.
മകനെ തനിച്ചാക്കി ജിമ്മിൽ പോകുന്നു എന്ന ആരാധകരുടെ വിമർശനത്തിന് കരീന പറഞ്ഞ മറുപടി ഇങ്ങനെ; ഞാൻ പോകുന്നുണ്ടെങ്കിൽ അതു സൈസ് സീറോ ആയിരിക്കാൻ വേണ്ടിയല്ല. ആ കുഞ്ഞിനെ വിട്ട് അവൾ എന്തിനാണ് ജിമ്മിൽ പോകുന്നതെന്ന തരത്തിലുള്ള കമന്‍റുകൾ ഞാൻ വായിച്ചിരുന്നു. ഒരു കുഞ്ഞുണ്ടാകുന്പോൾ നിങ്ങൾ ഇത്തരം സന്തോഷങ്ങൾ ഉപേക്ഷിക്കണമെന്നില്ല. നിങ്ങൾ സന്തോഷത്തോടെയിരുന്നാൽ, നിങ്ങളുടെ മനസ് ആരോഗ്യത്തോടെയിരുന്നാൽ കുഞ്ഞിനും അതിന്‍റെ ഗുണങ്ങൾ കിട്ടും. ഒരു കുഞ്ഞിനെ പ്രസവിക്കുന്നതോടെ എല്ലാ സ്ത്രീകളും വണ്ണം വയ്ക്കാറുണ്ട്, അത് സ്വാഭാവികമായ കാര്യമാണ്.’’ വണ്ണം കുറയ്ക്കാനായി തനിക്കു മേൽ യാതൊരു സമ്മർദങ്ങളും ഇല്ലെന്നും തന്‍റെ നന്മയ് ക്കും സന്തോഷത്തിനും വേണ്ടിയാണ് ജിമ്മിൽ പോകുന്നതെന്നും കരീന പറഞ്ഞു.
