തിരുവില്വാമല: മായന്നൂർ തണൽ ബാലാശ്രമത്തിൽനിന്ന് അഞ്ചു പെണ്‍കുട്ടികളെ കാണാതായതായി പരാതി. ഇന്നു പുലർച്ചെ അഞ്ചോടെയാണ് 17നും 20നും ഇടയിൽ പ്രായമുള്ള അഞ്ചു പെണ്‍കുട്ടികളെ കാണാതായത്. ഇതിൽ രണ്ടു പേർ പ്രായപൂർത്തിയാകാത്തവരാണ്.
പാലക്കാട്, എറണാകുളം, തൃശൂർ ജില്ലകളിലെ കുട്ടികളാണ് കാണാതായവർ. ബാലാശ്രമത്തിൽ താമസിച്ച് പഠിക്കുകയായിരുന്നു കുട്ടികൾ. ചേലക്കര സിഐ വിജയകുമാറിന്‍റെ നേതൃത്വത്തിൽ പോലീസ് അന്വേഷണം ഉൗർജിതമാക്കിയിട്ടുണ്ട്. റെയിൽവേ സ്റ്റേഷനുകളും ബസ്‌സ്റ്ററ്റാൻഡുകളും കേന്ദ്രീകരിച്ച് അന്വേഷണം നടത്തിവരുന്നതായി പോലീസ് പറഞ്ഞു.
