ചെങ്ങന്നൂര്‍: കഴിവ് ശരിയായ രീതിയില്‍ വിനിയോഗിച്ചാല്‍ പരീക്ഷയില്‍ മാത്രമല്ല ജീവിതവിജയവും കൈവരിക്കാന്‍ കഴിയുമെന്ന് മുന്‍ മുഖ്യമന്ത്രി ഉമ്മന്‍ചാണ്ടി പറഞ്ഞു. യൂത്ത് കോണ്‍ഗ്രസ് ചെങ്ങന്നൂര്‍ നിയോജക മണ്ഡലം കമ്മിറ്റിയുടെ നേതൃത്വത്തില്‍ നടന്ന പ്രതിഭാ സംഗമം വിദ്യാഭ്യാസ മെറിറ്റ് അവാര്‍ഡ് വിതരണവും പൊതുസമ്മേളനവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
നിയോജകമണ്ഡലം പ്രസിഡന്റ് വരുണ്‍ മട്ടയ്ക്കല്‍ അദ്ധ്യക്ഷത വഹിച്ചു. എഐസിസി സെക്രട്ടറി പി.സി. വിഷ്ണുനാഥ്, നളന്ദ ഗോപാലകൃഷ്ണന്‍നായര്‍, ഡി. വിജയകുമാര്‍, എബി കുര്യാക്കോസ്, ജോജി ചെറിയാന്‍, എ.ആര്‍. വരദരാജന്‍ നായര്‍, ബിപിന്‍ മാമ്മന്‍, വി.കെ. ശോഭ, മോഹന്‍ മുളക്കുഴ, സീമ ശ്രീകുമാര്‍, ഗോപു പുത്തന്‍മഠത്തില്‍ എന്നിവര്‍ പ്രസംഗിച്ചു. നിയോജകമണ്ഡലത്തില്‍ നിന്ന് എസ്എസ്എല്‍സി പ്ലസ്ടു പരീക്ഷകളില്‍ ഉന്നതവിജയം നേടിയവര്‍ക്കുളള അവാര്‍ഡുകള്‍ ഉമ്മന്‍ചാണ്ടി വിതരണം ചെയ്തു.
