ഇരിട്ടി: വീട്ടില്‍ കട്ടിലിനടിയില്‍ കെയ്‌സുകളിലായി സൂക്ഷിച്ച 408 കുപ്പി വിദേശ മദ്യവുമായി യുവിവാനെ പോലീസ് അറസ്റ്റ് ചെയ്തു. വള്ളിത്തോട് സാലസ്പുരം സ്വദേശി വി. ബിനോയി തോമസി (40) നെയാണ് ഇരിട്ടി എസ്‌ഐ പി.സി. സജ്ഞയ്കുമാര്‍ അറസ്റ്റ് ചെയ്തത്. വ്യാജമദ്യം വില്‍പ്പന നടത്തുന്നുവെന്ന പരാതിയെ തുടര്‍ന്നാണ് വീട്ടില്‍ റെയ്ഡ് നടത്തിയത്.
എസ്‌ഐക്ക് പുറമെ പോലീസ് ഉദ്യോഗസ്ഥരായ സതീശന്‍, ഷംസുദ്ദീന്‍, ഷാജി തുടങ്ങിയവരും സംഘത്തിലുണ്ടായിരുന്നു. പ്രതിയെ ഇന്ന് കോടതിയില്‍ ഹാജരാക്കും.
