ചി​ത്ര​യ്ക്കെ​തി​രാ​യ ക​ള്ള​ക്ക​ളി തെ​ളി​യു​ന്നു! ഒ​ഴി​വാ​ക്ക​പ്പെ​ട്ട ര​ണ്ടു താ​ര​ങ്ങ​ൾ ടീ​മി​ൽ; ഇ​രു​വ​രു​ടെ​യും പേ​രു​ക​ൾ ഉ​ൾ​പ്പെ​ടു​ത്തി ര​ണ്ടാ​മ​തൊ​രു എ​ൻ​ട്രി കൂ​ടി അ​ത്‌ല​റ്റി​ക് ഫെ​ഡ​റേ​ഷ​ൻ സ​മ​ർപ്പിച്ചു

ന്യൂ​ഡ​ൽ​ഹി: ലോ​ക അ​ത്‌ല​റ്റി​ക് ചാ​ന്പ്യ​ൻ​ഷി​പ്പി​ൽ പ​ങ്കെ​ടു​ക്കാ​ൻ യോ​ഗ്യ​ത നേ​ടി​യി​ട്ടും പി.​യു.​ചി​ത്ര​യെ ടീ​മി​ൽ ഉ​ൾ​പ്പെ​ടു​ത്താ​ത്ത​തി​നു പി​ന്നി​ലെ ക​ള്ള​ക്ക​ളി തെ​ളി​യു​ന്നു. ചി​ത്ര​യ്ക്കൊ​പ്പം ഒ​ഴി​വാ​ക്ക​പ്പെ​ട്ട ര​ണ്ടു താ​ര​ങ്ങ​ൾ ലോ​ക അ​ത്‌ല​റ്റി​ക് മീ​റ്റി​ൽ പ​ങ്കെ​ടു​ക്കാ​നാ​യി ല​ണ്ട​നി​ലേ​ക്ക് പോ​കും. സ്റ്റീ​പ്പി​ൾ ചേ​സ് താ​രം സു​ധാ സിം​ഗും ദ്യു​തി ച​ന്ദു​മാ​ണ് അ​ന്തി​മ​പ​ട്ടി​ക​യി​ൽ ഇ​ടം പി​ടി​ച്ച​ത്. ഇ​രു​വ​രു​ടെ​യും പേ​രു​ക​ൾ ഉ​ൾ​പ്പെ​ടു​ത്തി ര​ണ്ടാ​മ​തൊ​രു എ​ൻ​ട്രി കൂ​ടി അ​ത്‌ല​റ്റി​ക് ഫെ​ഡ​റേ​ഷ​ൻ സ​മ​ർ​പ്പി​ക്കു​ക​യാ​യി​രു​ന്നു.

ഹൈ​ക്കോ​ട​തി നി​ർ​ദേ​ശി​ച്ചി​ട്ടും ചി​ത്ര​യെ ഒ​ഴി​വാ​ക്കാ​ൻ അ​ധി​കൃ​ത​ർ ക​ഷ്ട​പ്പെ​ടു​ന്പോ​ഴാ​ണ് പ​ട്ടി​ക​യി​ലി​ല്ലാ​തി​രു​ന്ന ര​ണ്ടു​പേ​ർ ല​ണ്ട​നി​ലേ​ക്കു പോ​കാ​ൻ ത​യാ​റെ​ടു​ക്കു​ന്ന​ത്. 26 അം​ഗ ലി​സ്റ്റാ​ണ് ഫെ​ഡ​റേ​ഷ​ൻ പു​തു​താ​യി പു​റ​ത്തു​വി​ട്ടി​രി​ക്കു​ന്ന​ത്. ദ്യു​തി ച​ന്ദ് വൈ​ൽ​ഡ് കാ​ർ​ഡ് എ​ൻ​ട്രി വ​ഴി​യാ​ണ് സം​ഘ​ത്തി​ൽ ഉ​ൾ​പ്പെ​ട്ട​ത്.

ചാ​ന്പ്യ​ൻ​ഷി​പ്പി​ൽ പ​ങ്കെ​ടു​ക്കേ​ണ്ട​വ​രു​ടെ പ​ട്ടി​ക സ​മ​ർ​പ്പി​ക്കേ​ണ്ട അ​വ​സാ​ന ദി​വ​സ​മാ​യ ജൂ​ണ്‍ 24 ക​ഴി​ഞ്ഞു​പോ​യ​തി​നാ​ൽ ചി​ത്ര​യെ ടീ​മി​ൽ ഉ​ൾ​പ്പെ​ടു​ത്താ​ൻ ക​ഴി​യി​ല്ലെ​ന്നാ​ണ് അ​ത്ല​റ്റി​ക് ഫെ​ഡ​റേ​ഷ​ൻ ഹൈ​ക്കോ​ട​തി​യി​ൽ നി​ല​പാ​ടെ​ടു​ത്ത​ത്. ഇ​തി​നു​പി​ന്നാ​ലെ​യാ​ണ് ടീ​മി​ലി​ല്ലാ​തി​രു​ന്ന ര​ണ്ടു​പേ​രെ പു​തു​താ​യി ഉ​ൾ​പ്പെ​ടു​ത്തി​യ​താ​യി റി​പ്പോ​ർ​ട്ടു​ക​ൾ പു​റ​ത്തു​വ​രു​ന്ന​ത്.