കോഴിക്കോട്: കോടതി വിധിയെത്തുടർന്ന് കുറ്റവിമുക്തനായ മുൻ ഇന്ത്യൻ ക്രക്കറ്റ് താരം ശ്രീശാന്തിന് ടീമിൽ തിരിച്ചെത്താൻ അവസരങ്ങളുണ്ടെന്ന് ഇന്ത്യൻ താരം ഇർഫാൻ പഠാൻ. കടവ് റിസോർട്ടിൽ നടന്ന മുഖാമുഖം പരിപാടിയിൽ സംസാരിക്കുകയായിരുന്നു അദ്ദേഹം.
നിലവിലെ പ്രകടനവും ശാരീരിക ക്ഷമതയുമാണ് അന്താരാഷ്‌ട്രക്രിക്കറ്റിലേക്കുള്ള മടങ്ങി വരവിനെ നിർണയിക്കുന്നത്. അതല്ലാതെ മുൻ കാലങ്ങളിൽ ഒരു താരം എന്ത് ചെയ്തു എന്നത് ടീമിൽ തിരിച്ചെത്താനുള്ള മാനദണ്ഡമല്ല. ഏത് താരമായാലും മത്സരങ്ങൾക്ക് പൂർണമായും സജ്ജനാണെന്ന് ആദ്യം സ്വയവും പിന്നീട് സെലക്ടർമാർക്കും ബോധ്യപ്പെടണം.
പൂർണമായും ക്രിക്കറ്റിൽ സ്വയമർപ്പിച്ച് നിശ്ചയദാർഢ്യത്തോടെ പരിശ്രമിച്ചാൽ തിരിച്ചുവരവ് തികച്ചും സാധ്യവും അർഹവുമാണ്. എല്ലാവരെയും പോലെ ശ്രീശാന്തിനും അത് സാധിക്കുമെന്നാണ് വിശ്വാസം. ഇന്ത്യൻ ടീമിലേക്കുള്ള തെഞ്ഞെടുപ്പ് തീർത്തും സുതാര്യമാണെന്ന് ഇർഫാൻ പഠാൻ അഭിപ്രായപ്പെട്ടു.
