പ്രശസ്ത നീലച്ചിത്ര നടി മിയാ ഖലീഫയ്ക്ക് ഇസ്ലാമിക് സ്റ്റേറ്റിന്റെ വധഭീഷണി. ലെബനനില്‍ ജനിച്ച് അമേരിക്കയില്‍ ജീവിക്കുന്ന മിയാ ഖലീഫ ഏറ്റവും അധികം ആരാധകരുള്ള പോണ്‍ നടിമാരില്‍ ഒരാളാണ്. തന്നെ കഴുത്തറുത്തു കൊല്ലുമെന്ന് ഐഎസ് ഭീഷണിപ്പെടുത്തിയെന്ന വെളിപ്പെടുത്തലുമായി താരം തന്നെയാണ് ഇപ്പോള്‍ രംഗത്തെത്തിയിരിക്കുന്നത്. ഹിജാബ് ധരിച്ച് നീലച്ചിത്രത്തില്‍ അഭിനയിച്ചാല്‍ പോലും തങ്ങള്‍ വെറുതെ വിടില്ലെന്ന ശക്തമായ ഭീഷണിയാണ് മിയയ്ക്ക് ഐസിസ് ഇതിലൂടെ നല്‍കിയിരിക്കുന്നത്. നീലച്ചിത്ര നായികയുടെ കഴുത്ത് അറുത്തുകൊല്ലുന്നതിന്റെ പ്രതീകാത്മക ചിത്രമാണ് ഐഎസ് അവര്‍ക്ക് തന്നെ അയച്ച് കൊടുത്ത് ഭീഷണിപ്പെടുത്തിയത്.
പ്രമുഖ പോണ്‍സൈറ്റായ പോണ്‍ഹബ്ബില്‍ ടോപ് റാങ്കിലുള്ള താരമാണ് മിയ. സോഷ്യല്‍ മീഡിയയിലൂടെയാണ് ഐഎസ് തനിക്ക് ഈ ചിത്രം അയച്ചു തന്നതെന്നു താരം പറയുന്നു. ദി സ്‌പോര്‍ട്‌സ് ജങ്കീസിന് നല്‍കിയ അഭിമുഖത്തിതലാണ് മിയ ഞെട്ടിപ്പിക്കുന്ന ഈ വെളിപ്പെടുത്തല്‍ നടത്തിയിരിക്കുന്നത്. തീവ്രവാദികള്‍ക്ക് വേണ്ടത് നല്‍കാനോ അവരെ തൃപ്തിപ്പെടുത്തുന്ന വിധത്തില്‍ പ്രവര്‍ത്തിക്കാനോ തനിക്കാവില്ലെന്നും പോണ്‍ സ്റ്റാര്‍ തറപ്പിച്ച് പറയുന്നുമുണ്ട്. ലെബനണിലെ ബെയ്‌റൂട്ടില്‍ ജനിച്ച മിയ തന്റെ 10-ാം വയസില്‍ യുഎസിലേക്ക് പോവുകയായിരുന്നു. തുടര്‍ന്ന് മിയാമിയിലേക്ക് പോയ അവര്‍ നിലവില്‍ അവിടം കേന്ദ്രീകരിച്ചാണ് പ്രവര്‍ത്തിക്കുന്നത്.
21കാരിയായ ഹിസ്റ്ററ്റി ഗ്രാജ്വേറ്റായ മുസ്ലിം യുവതി നീലച്ചിത്രങ്ങളില്‍ അഭിനയിക്കുന്നതിനെതിരേ മിഡില്‍ ഈസ്റ്റിലെ മുസ്ലിം വൃത്തങ്ങളില്‍ നിന്നും നേരത്തെ തന്നെ കടുത്ത എതിര്‍പ്പ് ഉയര്‍ന്ന് വന്നിരുന്നു. മിയയുടെ പ്രവര്‍ത്തനം മുസ്ലിം സമൂഹത്തിന് അപമാനമാണെന്നാണ് മുസ്ലിം പുരോഹിതന്മാരില്‍ മിക്കവരും ആരോപിച്ചിരിക്കുന്നത്. അവരുടെ നീലച്ചിത്രങ്ങള്‍ക്ക് ലെബനണ്, തുര്‍ക്കി എന്നിവ ഒഴിച്ചുള്ള എല്ലാം മുസ്ലിം രാജ്യങ്ങളും വിലക്കേര്‍പ്പെടുത്തിയിരുന്നു. ഹിജാബ് ധരിച്ച് സെക്‌സിലേര്‍പ്പെടുന്ന മിയയുടെ വീഡിയോകള്‍ പുറത്ത് വന്നതിനെ തുടര്‍ന്ന് മുസ്ലിം സമൂഹത്തില്‍ നിന്നും കടുത്ത എതിര്‍പ്പായിരുന്നു ഉയര്‍ന്ന് വന്നിരുന്നത്.
മിയയുടെ തല അടുത്ത് തന്നെ വെട്ടുമെന്നായിരുന്നു ഒരു ട്വിറ്റര്‍ യൂസര്‍ വെളിപ്പെടുത്തിയിരുന്നത്. മിയ നരകത്തീയില്‍ വെന്തുരുകാന്‍ പോകുന്നുവെന്നായിരുന്നു മറ്റൊരു യൂസര്‍ വെളിപ്പെടുത്തിയിരുന്നത്. താന്‍ തമാശരൂപത്തില്‍ അഭിനയിച്ച രംഗത്തിന്റെ പേരില്‍ ഇത്രയധികം പ്രശ്‌നങ്ങളുണ്ടാക്കുന്നതെന്തിനാണെന്ന് മിയ ആശ്ചര്യത്തോടെ ചോദിക്കുന്നത്. ഹോളിവുഡ് സിനിമകളില്‍ നിരവധി മുസ്ലിം നടിമാര്‍ ഇതിലും അമിതമായ ഗ്ലാമര്‍ പ്രദര്‍ശിപ്പിച്ച് അഭിനയിക്കുന്നതിനെ ആരും എതിര്‍ക്കുന്നില്ലല്ലോ എന്നാണ് മിയ ചോദിക്കുന്നത്. ലെബനന്റെ ദേശീയഗാനത്തിലെ ആദ്യവരികള്‍ ഉള്‍പ്പെടുത്തിയ ടാറ്റൂ കുത്തിയതിന്റെ പേരിലും മിയ വിവാദനായികയായിരുന്നു. ഈ ടാറ്റൂവുമായി മിയ നീല ചിത്രങ്ങളില്‍ പ്രത്യക്ഷപ്പെടുന്നത് ലെബനണ് തന്നെ അപമാനമാണെന്നാണ് വിമര്‍ശകര്‍ പറയുന്നത്. എന്തായാലും ഒന്നു കരുതിയിരിക്കണമെന്നാണ് നടിയോട് ആരോധകര്‍ പറയുന്നത്.
