ചങ്ങനാശേരി: അസംപ്ഷൻ കോളജിൽ നടന്ന ഓൾകേരള ഇന്‍റർ കൊളീജിയറ്റ് ബാസ്കറ്റ് ബോൾ ടൂർണമെന്‍റിൽ അസംപ്ഷന് കിരീടം. ശ്രീകണ്ഠാപുരം എസ്ഇഎസ് കോളജിനെയാണ് പരാജയപ്പെടുത്തിയത്. ബെസ്റ്റ് പ്ലയറായി അസംപ്ഷനിലെ ഇന്ത്യാ നെൽസണേയും ടോപ് സ്കോററായി റോസ് മേരി സാജനേയും മികച്ച താരമായി കവിതാ ജോസിനേയും പ്രോമിസിംഗ് താരമായി എസ്ഇഎസിലെ അമൃത എ.എസിനേയും തെരഞ്ഞെടുത്തു.
സമാപന സമ്മേളനത്തിൽ കോളജ് മാനേജർ മോണ്.ഫിലിഫ്സ് വടക്കേക്കളം അധ്യക്ഷത വഹിച്ചു.പ്രിൻസിപ്പൽ ഡോ.സിസ്റ്റർ അമല, എംജി സർവകലാശാലാ സിൻഡിക്കേറ്റംഗം ഡോ.ആർ.പ്രകാശ് തുടങ്ങിയവർ പ്രസംഗിച്ചു.
