ന്യൂയോർക്ക്: ടെന്നീസിലെ എക്കാലത്തേയും മികച്ച വനിതാ താരം സെറീനയ്ക്ക് പെൺകുഞ്ഞ് പിറന്നു. ഫ്ലോറിഡയിലെ ക്ലിനിക്കിലായിരുന്നു കുഞ്ഞ് സെറീനയുടെ പിറവി. റെഡിറ്റ് സഹ സ്ഥാപകൻ എലക്സിസ് ഒഹാനിയനാണ് സെറീനയുടെ പങ്കാളി. മുപ്പത്തിയഞ്ചുകാരിയായ സെറീനയെ ബുധനാഴ്ചയായിരുന്നു വെസ്റ്റ് പാം ബീച്ചിലുള്ള സെന്‍റ് മേരീസ് മെഡിക്കൽ സെന്‍ററിൽ പ്രവേശിപ്പിച്ചത്.
സെറീന ഗർഭം ധരിച്ച വിവരം അബദ്ധത്തിലാണ് നേരത്തെ പുറത്തായത്. സ്നാപ് ചാറ്റിൽവന്നൊരു ചിത്രമാണ് വിവരം പുറത്തറിയാൻ കാരണമാക്കിയത്. താൻ 20 ആഴ്ച ഗർഭിണിയാണെന്ന് സ്നാപ് ചാറ്റിൽ അതിനാടകീയമായാണു സെറിന അറിയിച്ചത്.
സെറീന ഓസ്ട്രേലിയൻ ഓപ്പണിൽ കിരീടം നേടിയത് കുഞ്ഞ് സെറീനയെ വയറ്റിൽ ചുമന്നുകൊണ്ടായിരുന്നെന്ന് അപ്പോൾ മാത്രമാണ് ലോകം അറിഞ്ഞത്. ഓസ്ട്രേലിയൻ ഓപ്പൺ വനിതാ സിംഗിൾസിൽ ഡബിൾസ് കളിച്ച് സെറീന നേടിയത് 22-ാം ഗ്രാന്‍ഡ് സ്ലാം കിരീടമായിരുന്നു. സ്റ്റെഫി ഗ്രാഫിന്‍റെ പേരിലുള്ള 22 ഗ്രാൻസ്ലാം കിരീടങ്ങളെന്ന റെക്കോർഡ് മറികടക്കുകയും ചെയ്തു. ചേച്ചി വീനസ് വില്യംസിനെ തോൽപിച്ചാണ് ഓസ്ട്രേലിയൻ ഓപ്പണിലെ ചരിത്രനേട്ടം സെറീന കൈവരിച്ചത്.
അടിത്തിടെ വാനിറ്റി ഫെയര്‍ എന്ന മാസികയ്ക്കുവേണ്ടി നഗ്ന മോഡലായും സെറീന തന്‍റെ മാതൃത്വം ആഘോഷിച്ചു. നഗ്ന ഫോട്ടോയ്ക്ക് മോഡലായി തന്‍റെ കുഞ്ഞിനെ വരവേല്‍ക്കുന്നത് തികച്ചും ആഘോഷപൂര്‍വമായിരിക്കും എന്നാണവര്‍ പ്രഖ്യാപിച്ചത്.
