ടൈഗർ സിന്താ ഹേ ചിത്രത്തിന്‍റെ ഷൂട്ടിങ് തിരക്കിലാണ് നടി കത്രീന കെയ്ഫ്. ചിത്രത്തിന്‍റെ ഷൂട്ടിങ് സെറ്റുകളിൽ നിന്നുളള രസകരമായ വിഡിയോകളും ചിത്രങ്ങളും താരം ഇടയ്ക്കിടെ സോഷ്യൽ മീഡിയയിലൂടെ പങ്കുവയ്ക്കാറുണ്ട്. ഇപ്പോഴിതാ ഒരു പുതിയ വീഡിയോ കൂടി പുറത്തുവന്നിരിക്കുകയാണ്.
ഷൂട്ടിങ് സെറ്റിൽ ക്രിക്കറ്റ് കളിക്കുന്ന കത്രീനയാണ് വീഡിയോയിലുളളത്. നടൻ അംഗദ് ബേദിക്ക് കത്രീന ബോൾ ചെയ്യുകയാണ്. ക്രിക്കറ്റ് കത്രീനയ്ക്ക് വളരെ ഇഷ്ടമാണെന്നും അതിനെക്കുറിച്ച് അംഗദിൽനിന്നും കൂടുതൽ പഠിക്കുകയാണ് കത്രീനയുടെ ശ്രമമെന്നുമാണ് വിവരം. ഷൂട്ടിംഗിനുശേഷം ടീമിലുളളവർ ചേർന്ന് ക്രിക്കറ്റ് കളിക്കാറുണ്ടെന്നും വിവരമുണ്ട്. സൽമാനും കത്രീനയും ഒന്നിച്ച എക്താ ടൈഗറിന്‍റെ രണ്ടാം ഭാഗമാണ് ടൈഗർ സിന്താ ഹെ.
