ആക്രമിക്കപ്പെട്ട നടിയ്ക്ക് ഓണക്കോടിയുമായെത്തി ഐക്യദാര്‍ഢ്യം പ്രഖ്യാപിച്ച് വനിതാ സംഘം. നടിയുടെ വീട്ടിലെത്തിയാണ് അവര്‍ ഓണക്കോടി സമ്മാനിച്ചത്. പ്രഫസര്‍ സാറാ ജോസഫ് അടക്കമുള്ള വിങ്‌സ് സംഘടനയുടെ നേതൃത്വത്തിലായിരുന്നു സന്ദര്‍ശനം.
നടിയെ ആക്രമിച്ച കേസില്‍ പ്രതിയായി വിചാരണ തടവില്‍ കഴിയുന്ന ദിലീപിന് നടന്‍മാര്‍ ആലുവ സബ്ജയിലിലെത്തി ഓണക്കോടി നല്‍കി ഐക്യദാര്‍ഢ്യം പ്രഖ്യാപിച്ചിരുന്നു. ഈ സാഹചര്യത്തിലാണ് നടിയ്‌ക്കൊപ്പമെന്ന പ്രഖ്യാപനവുമായി വനിതാ സംഘടനകള്‍ രംഗത്തെത്തിയത്. ആക്രമിക്കപ്പെട്ട സംഭവം തുറന്ന് പറയുകയും സമ്മര്‍ദ്ദങ്ങള്‍ ഉണ്ടായിട്ടും പരാതിയില്‍ ഉറച്ച് നില്‍ക്കുകയും ചെയ്തത് സ്ത്രീ സമൂഹത്തിന് പ്രചോദനം നല്‍കുന്നതാണെന്ന് ഓണക്കോടി നല്‍കിയതിന് ശേഷം സാറാ ജോസഫ് പറഞ്ഞു.
