ഇനി എല്ലാം എളുപ്പം..! യുവാവിനെ മാരകമായി വെട്ടി കിണറ്റിലിട്ട സംഭവം; വെള്ളത്തിൽ വീണ് പോയ ആ പ്രധാന തെളിവ് പോലീസ് കണ്ടെത്തി; മാരകമുറുവുമായി രമേശ് കിണറ്റിൽ കിടന്നത് അഞ്ചുമണിക്കൂറോളം

മു​ക്കം: കൊ​ടി​യ​ത്തൂ​ർ പ​ഞ്ചാ​യ​ത്തി​ലെ കാ​രാ​ളി​പ​റ​ന്പി​ൽ ക​ഴി​ഞ്ഞ ദി​വ​സം യു​വാ​വി​ന് കു​ത്തേ​റ്റ സം​ഭ​വ​ത്തി​ൽ യു​വാ​വി​നെ ത​ള്ളി​യ കി​ണ​ർ വ​റ്റി​ച്ച് പോ​ലീ​സ് കൂ​ടു​ത​ൽ തെ​ളി​വു​ക​ൾ ശേ​ഖ​രി​ച്ചു.​പ​രി​ശോ​ധ​ന​യി​ൽ ര​മേ​ശി​ന്‍റെ മൊ​ബൈ​ൽ ഫോ​ണും​ഇ​യാ​ൾ ഉ​ടു​ത്തി​രു​ന്ന മു​ണ്ടും മൂ​ന്ന് അ​ൻ​പ​ത് രൂ​പ​യു​ടെ നോ​ട്ടു​മാ​ണ് അ​ന്വേ​ഷ​ണ സം​ഘ​ത്തി​ന് ല​ഭി​ച്ച​ത്.

ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്നോ​ടെ താ​മ​ര​ശേ​രി സിഐഅ​ഗ​സ്റ്റി​ൻ, മു​ക്കം അ​ഡീ​ഷ​ണ​ൽ എ​സ്.​ഐ.​ജോ​യി, പോ​ലീ​സ് ഉ​ദ്യോ​ഗ​സ്ഥ​രാ​യ സ​ലീം, ശ്രീ​ജേ​ഷ് ,വി​ര​ല​ട​യാ​ള വി​ദ​ഗ്ധ​ർ എ​ന്നി​വ​രു​ടെ നേ​തൃ​ത്വ​ത്തി​ൽ കി​ണ​ർ വ​റ്റി​ച്ച​ത്. മൊ​ബൈ​ൽ ഫോ​ണ്‍ ക​ണ്ടെ​ടു​ത്ത​ത് അ​ന്വേ​ഷ​ണ​ത്തി​ന് ഏ​റെ സ​ഹാ​യ​ക​മാ​വും.​ഈ ഫോ​ണി​ലേ​ക്ക് വി​ളി​ച്ചാ​ണ് പു​ല​ർ​ച്ചെ ര​മേ​ശി​നെ വീ​ട്ടി​ൽ നി​ന്നി​റ​ക്കി ക​ട​വ​രാ​ന്ത​യി​ലി​ട്ട് കു​ത്തി​യ​തി​ന് ശേ​ഷം കി​ണ​റി​ൽ ത​ള്ളി​യ​ത്.​

വ​യ​റി​നും ക​ഴു​ത്തി​നും സാ​ര​മാ​യി പ​രി​ക്കേ​റ്റ ര​മേ​ശ് അ​ടി​യ​ന്തി​ര ശ​സ്ത്ര​ക്രി​യ​ക്ക് ശേ​ഷം മെ​ഡി​ക്ക​ൽ കോ​ള​ജി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണു​ള്ള​ത്. സം​ഭ​വം ന​ട​ന്ന കാ​രാ​ളി​പ​റ​ന്പി​ലെ ക​ട​വ​രാ​ന്ത​യി​ൽ ലി​റ്റ​റോ​ളം ചോ​ര ത​ളം കെ​ട്ടി​ക്കി​ട​ന്നി​രു​ന്നു. കി​ണ​റി​ൽ ത​ള്ളി​യ ര​മേ​ശി​ന്‍റെ ക​ഴു​ത്തി​ലേ​റ്റ മു​റി​വി​ലൂ​ടെ വെ​ള്ളം ഇ​റ​ങ്ങാ​തി​രു​ന്ന​താ​ണ് ജീ​വ​ൻ നി​ല​നി​ർ​ത്താ​ൻ സ​ഹാ​യ​ക​ര​മാ​യ​ത്.​അ​ഞ്ചു മ​ണി​ക്കൂ​റോ​ളം ഇ​ദ്ദേ​ഹം കി​ണ​റ്റി​ൽ ക​ഴി​ച്ചു​കൂ​ട്ടി​യി​രു​ന്നു. ആ​രോ​ഗ്യ​സ്ഥി​തി മോ​ശ​മാ​യ​തി​നാ​ൽ​ര​മേ​ശി​ന്‍റെ മൊ​ഴി​യെ​ടു​ക്കാ​ൻ അ​ന്വേ​ഷ​ണ സം​ഘ​ത്തി​നാ​യി​ട്ടി​ല്ല.