കൊച്ചിയില്‍ നടി ആക്രമിക്കപ്പെട്ടതോടെ സിനിമ ലോകത്ത് നടക്കുന്ന ക്രൂരകൃത്യങ്ങളും താരങ്ങളുടെ പൊയ്മുഖവും അഴിഞ്ഞുവീണു കൊണ്ടിരിക്കുകയാണ്. പലരും തങ്ങള്‍ക്ക് സംഭവിച്ച കാര്യങ്ങളെപ്പറ്റി വെളിപ്പെടുത്തലുമായി രംഗത്തെത്തുകയും ചെയ്തു. എന്നാല്‍ കെ്ാച്ചിയിലെ സംഭവത്തിനുശേഷം നടിമാരുടെ പേരിലുള്ള തുറന്നുപറച്ചിലുകള്‍ പലപ്പോഴും ചില ഓണ്‍ലൈന്‍ മാധ്യമങ്ങളുടെ ഭാവനയാണ് താനും.
അത്തരത്തില്‍ ഓണ്‍ലൈന്‍ വാര്‍ത്ത പാരയായി മാറിയിരിക്കുകയാണ് നടി മെറീന മൈക്കിളിനും. ഒരുപാട് പ്രതീക്ഷകളുമായി എത്തിയ ഇവര്‍ക്ക് പലതും നഷ്ടപ്പെട്ട് തിരിച്ച് പോകേണ്ടതായോ എന്തും ചെയ്യാന്‍ തയാറാകേണ്ടതായ അവസ്ഥയിലോ എത്തേണ്ടി വരുന്നു. ഇവര്‍ മദ്യപിച്ച് പാര്‍ട്ടികളില്‍ പങ്കെടുക്കുന്നുണ്ട്. ദിശാബോധം നഷ്ടപ്പെട്ടുകഴിഞ്ഞ ഇവര്‍ തിരുത്താന്‍ പറ്റാത്ത വഴികളിലൂടെയാണ് സഞ്ചരിക്കുന്നത്- മെറീന പറഞ്ഞതായി ചില ഓണ്‍ലൈന്‍ മാധ്യമങ്ങളില്‍ വന്ന വാര്‍ത്തയുടെ ചുരുക്കമാണിത്. എന്താണ് ഇതിലെ സത്യം? മെറീന തന്നെ പറയുന്നു. ഞാന്‍ പറഞ്ഞെന്നരീതിയില്‍ പല ഓണ്‍ലൈന്‍ മാധ്യമങ്ങളും റിപ്പോര്‍ട്ട് ചെയ്തിരുന്നു. താന്‍ ഒരു ഓണ്‍ലൈന്‍ മാധ്യമങ്ങളോടും ഇങ്ങനെ പ്രതികരിച്ചിട്ടില്ല. വാര്‍ത്തകളെ ഇങ്ങനെ വളച്ചൊടിക്കുന്നതില്‍ സങ്കടമുണ്ടെന്നും നടി പറയുന്നു.
