മുംബൈ: അണ്ടര്‍-17 ലോകകപ്പ് ഫുട്ബോളിനൊരുങ്ങുന്ന ഇന്ത്യന്‍ ടീമിന് ആശംസകളറിയിച്ച് ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലി. ട്വിറ്റര്‍ പേജില്‍ പോസ്റ്റ് ചെയ്ത വീഡിയോയിലൂടെയാണ് കോഹ്‌ലിയുടെ ആശംസ. ‘ഒക്ടോബര്‍ ആറിന് തുടങ്ങുന്ന അണ്ടര്‍-17 ലോകകപ്പില്‍ നമ്മുടെ കുട്ടികളും മത്സരിക്കുന്നുണ്ട്. അമേരിക്കയ്‌ക്കെതിരേയാണ് ഇന്ത്യയുടെ ആദ്യ മത്സരം.
എല്ലാ മത്സരങ്ങളിലും ഇന്ത്യ വിജയിക്കട്ടെ എന്ന് ഞാന്‍ ആശംസിക്കുന്നു. പോയി കിരീടം നേടി വരൂ, ഇന്ത്യയുടെ അഭിമാനമാകൂ -കോഹ്‌ലി പറഞ്ഞു.യുഎസ്എ, കൊളംബിയ, ഘാന ടീമുകള്‍ അടങ്ങിയ എ ഗ്രൂപ്പിലാണ് ഇന്ത്യ. ഒക്ടോബര്‍ ആറിന് ന്യൂഡല്‍ഹി ജവഹര്‍ലാല്‍ നെഹ്റു സ്റ്റേഡിയത്തില്‍ അമേരിക്കയ്ക്കെതിരെയാണ് ഇന്ത്യയുടെ ആദ്യ മത്സരം.
ഒക്ടോബര്‍ ഒമ്പതിന് കൊളംബിയയ്ക്കെതിരെയാണ് അടുത്ത മത്സരം. ഒക്ടോബര്‍ 12ന് ഘാനയാണ് ഇന്ത്യയുടെ എതിരാളികള്‍.
