മണ്ണാർക്കാട്: സ്വകാര്യ ആശുപത്രിയുടെ കച്ചവടവുമായി ബന്ധപ്പെട്ട് അന്യസംസ്ഥാനക്കാരായ രണ്ടുപേർ 20 ലക്ഷം രൂപ തട്ടിയെടുത്തതായി പരാതി. കുമരംപുത്തൂർ കല്യാണക്കാപ്പിലെ ഡോ.അമൃത് ഗുപ്തയുടെ പരാതിയിൽ മണ്ണാർക്കാട് പോലീസ് കേസെടുത്തു. മണ്ണാർക്കാട്ടെ സ്വകാര്യ ആശുപത്രി വാങ്ങുന്നതിനായി അമൃതിന്‍റെ കൂടെ രാജസ്ഥാൻ സ്വദേശികളായ സുഖ് നന്ദർ സിംഗ്, വികാസ് പട്ടേൽ എന്നിവർ സ്ഥലത്തെത്തിയിരുന്നു.
കഴിഞ്ഞ 29ന് നഗരത്തിലെത്തിയ ഇവർ പ്രമുഖ ലോഡ്ജ് വാടകയ്ക്ക് എടുക്കുകയും ആശുപത്രി ചുറ്റിക്കാണുകയും ചെയ്തത്രേ. തുടർന്ന് ഡോ. അമൃതിനോട് ആദ്യപടിയായി 20 ലക്ഷം രൂപ നൽകണമെന്ന് ആവശ്യപ്പെടുകയും അമൃത് ഈ തുക അക്കൗണ്ട് വഴി കൈമാറുകയും ചെയ്തു. പണം കിട്ടിയപ്പോൾ സംഘം സ്ഥലം വിട്ടു. ലോഡ്ജിന്റെ വാടക 15, 000 രൂപ ഇവർ നൽകിയിട്ടില്ലെന്നും പോലീസ് പറയുന്നു.
