മലയാളം, തമിഴ്, തെലുങ്ക് എന്നിങ്ങനെ തെന്നിന്ത്യൻ സിനിമയിൽ തിളങ്ങിനിന്ന നടിയായിരുന്നു നദിയാ മൊയ്ദു. 1994 മുതൽ 2004 വരെ സിനിമയിൽ നിന്ന്് ഇടവേള എടുത്ത് മാറി നിന്നിരുന്നെങ്കിലും ഇപ്പോൾ സിനിമയിൽ സജീവമായി തുടരുകയാണ്. നോക്കെത്താ ദൂരത്ത് കണ്ണുംനട്ട് എന്ന മോഹൻലാൽ ചിത്രത്തിലൂടെയായിരുന്നു നദിയ സിനിമയിൽ അരങ്ങേറ്റം കുറിച്ചത്.
പിന്നീട് തിരക്കുള്ള നടിയായി വളർന്ന നദിയയെ തേടി ഒരുപാട് നല്ല അവസരങ്ങൾ എത്തിയിരുന്നു. ബോളിവുഡിൽ നിന്നും നാദിയയെ തേടി വലിയൊരു അവസരം വന്നിരുന്നെങ്കിലും അതിൽ അഭിനയിക്കാതിരുന്നതിനെ കുറിച്ച് നടി തുറന്നുപറഞ്ഞിരിക്കുകയാണ്. അടുത്തിടെ ഒരു മാധ്യമത്തിന് നൽകിയ അഭിമുഖത്തിലാണ് നാദിയ ഇക്കാര്യം പറഞ്ഞത്.
സൽമാൻ ഖാന്‍റെ നായികയായി മേനെ പ്യാർ കിയ എന്ന സിനിമയിലേക്കായിരുന്നു നാദിയയ്ക്ക് അവസരം വന്നത്. നായികയാകാനുള്ള വിളിയായിരുന്നെങ്കിലും വിവാഹം തീരുമാനിച്ചിരുന്ന സമയം ആയിരുന്നതിനാൽ വേണ്ടെന്ന് വയ്ക്കുകയായിരുന്നു.
അതിന് മുന്പും ബോളിവുഡിലേക്ക് അവസരം തേടിയെത്തിയിരുന്നെങ്കിലും ഏറ്റെടുത്ത സിനിമകൾ പൂർത്തിയാക്കാനുള്ളതു കൊണ്ട് വേണ്ടെന്നു വയ്ക്കുകയായിരുന്നു- നദിയ പറയുന്നു.
