കൂട്ടുകൂടുക പിന്നെ അടിച്ചു പിരിയുക. പിന്നെയും കൂട്ടുകൂടുക പിന്നെയും അടിച്ചു പിരിയുക. കുറച്ചു നാളായി ആലിയയുടേയും സിദ്ധാർഥിന്‍റെയും ലെെൻ.ബോളിവുഡ് സുന്ദരി ആലിയ ഭട്ടും ബോളിവുഡിലെ യുവനായകൻ സിദ്ധാർഥ് മൽഹോത്രയും തമ്മിൽ പ്രണയം അവസാനിപ്പിച്ചുവെന്ന തരത്തിൽ അടുത്തിടെ വാർത്തകൾ സജീവമായിരുന്നു.
എന്നാൽ ഇപ്പോൾ കാര്യങ്ങൾ അങ്ങനെയല്ലെന്നാണ് പുതിയ റിപ്പോർട്ടുകൾ വരുന്നത്. ആലിയയും സിദ്ധാർഥും ഏക്ത കപൂർ സംഘടിപ്പിച്ച ദീപാവലി ആഘോഷത്തിന് ഒരുമിച്ച് എത്തിയതാണ് പുതിയൊരു ഗോസിപ്പിന് കളമൊരുക്കിയിരിക്കുന്നത്. പരന്പരാഗത രീതിയിലുള്ള അടിപൊളി വേഷത്തിലാണ് ആലിയ ചടങ്ങിനെത്തിയത്. സിദ്ധാർഥ് ആവട്ടെ ചുവപ്പ് കുർത്തയും വെള്ള പൈജാമയും ധരിച്ചും. രണ്ടുപേരും അതീവ സന്തോഷത്തിൽ തമാശയൊക്കെ പറഞ്ഞാണ് ചടങ്ങിനെത്തിയത്.
ഇതുകൊണ്ടു മാത്രം തീർന്നില്ല സഞ്ജയ് കപൂറിന്‍റെ ബർത്ത് ഡേ, ദീപാവലി ആഘോഷത്തിലും ഇരുവരും ഒന്നിച്ചു പങ്കെടുത്തുവത്രേ. ഇരുവരും വേർപിരിഞ്ഞുവെന്ന തരത്തിൽ വാർത്തകൾ വന്നതോടെ പപ്പരാസികൾ ഇവരുടെ പിന്നാലെ നടക്കാതെ ഇവരെ ഉപേക്ഷിച്ചതുപോലെയായി
രുന്നു കാര്യങ്ങൾ. എന്നാൽ വീണ്ടും ഇവരെ ഒരുമിച്ച് കണ്ടതോടെ പപ്പരാസികൾ ഇനി ഇവരുടെ പിന്നാലെ തന്നെ കൂടാനാണ് സാധ്യത.
2012ൽ പുറത്തിറങ്ങിയ സ്റ്റുഡന്‍റ് ഓഫ് ദ ഇയർ ആണ് ഇരുവരും ഒന്നിച്ച ആദ്യ ചിത്രം. ആലിയയുടെ ആദ്യ മുഴുവൻ സമയ ചിത്രമായിരുന്നു ഇത്. അന്നുമുതൽ ആലിയയും സിദ്ധാർഥും തമ്മിൽ അടുപ്പത്തിലാണെന്നുള്ള വാർത്തകൾ വന്നിരുന്നു. ഇരുവരും ഒരിക്കലും ഇത് നിഷേധിച്ചിട്ടില്ല.
