ഒഡെന്‍സ്: ഡെന്‍മാര്‍ക്ക് ഓപ്പണ്‍ സൂപ്പര്‍ സീരീസ് ബാഡ്മിന്‍റണില്‍ ഇന്ത്യയുടെ സൈന നെഹ്‌വാളും പുറത്തായി. ക്വാർട്ടറിൽ നിലവിലെ ചാമ്പ്യൻ അകാനെ യാമാഗുച്ചിയോടാണ് സൈന പരാജയപ്പെട്ടത്. നേരിട്ടുള്ള സെറ്റുകൾക്കായിരുന്നു ഇന്ത്യൻ താരത്തിന്‍റെ തോൽവി. സ്കോർ: 10-21, 13-21.
നാലാം സീഡായ യാമാഗുച്ചി 29 മിനിറ്റിനുള്ളിൽ അനായാസമായാണ് സൈനയെ പരാജയപ്പെടുത്തിയത്. ഇതോടെ ടൂർണമെന്‍റിൽ വനിതാ വിഭാഗത്തിലെ ഇന്ത്യയുടെ പോരാട്ടം പൂർണമായും അവസാനിച്ചു. പി.വി. സിന്ധു ആദ്യ റൗണ്ടിലേ പുറത്തായിരുന്നു. നേരിട്ടുള്ള ഗെയിമുകള്‍ക്ക് (21-17, 23-21) ചൈന യുടെ ചെന്‍ യൂഫിയാണ് സിന്ധുവിനെ പരാജയപ്പെടുത്തിയത്.
