കോഴിക്കോട്: തൊണ്ടയാട് -രാമനാട്ടുകര ബൈപാസിൽ ബൈക്കപകടത്തിൽ കിനാലൂർ സ്വദേശികളായ രണ്ടു യുവാക്കൾ മരിച്ചു. കിനാലൂർ മഠത്തിൽ കോവിലകം ഭാസ്കരന്‍റെ മകൻ വൈഷ്ണവ് (22) സുഹൃത്ത് കിനാലൂർ തൊടത്തിൽ ഹൗസിൽ ശിവദാസന്‍റെ മകൻ വിപിൻദാാസ് (24) എന്നിവരാണ് മരിച്ചത്.
പുലർച്ചെ 2.45ന് മാന്പുഴ പാലത്തിനു സമീപത്താണ് അപകടം. ഇവരുടെ ബൈക്കിൽ ഇടിച്ച വാഹനം നിർത്താതെ പോയി. റോഡിൽ തലയടിച്ചുവീണ ഇവരെ മറ്റുയാത്രക്കാരാണ് ആശുപത്രിയിൽ എത്തിച്ചത്. തൃശൂരിലുള്ള വിപിൻദാസിന്‍റെ അമ്മയുടെ വീട്ടിൽപോയി വരുന്പോഴായിരുന്നു അപകടം. നിർത്താതെ പോയ വാഹനത്തെക്കുറിച്ച് പോലീസ് അന്വേഷണം നടത്തുകയാണ്.
