പൊൻകുന്നം: വിവാഹ ദിനത്തിൽ വധുവും ബന്ധുക്കളും സഞ്ചരിച്ചിരുന്ന കാർ അപകടത്തിൽപെട്ടു. അപകടത്തിൽ വധു ഉൾപ്പടെ നാല് പേർക്ക് പരിക്കേറ്റു. രാവിലെ 10.30 ഓടെ പൊൻകുന്നം-പാലാ റോഡിൽ വഞ്ചിമല ജംഗ്ഷനിലാണ് അപകടമുണ്ടായത്.
ചങ്ങനാശേരിയിൽ നിന്നും വിവാഹ സ്ഥലമായ പാലായിലേക്ക് പോവുകയായിരുന്ന സംഘമാണ് അപകടത്തിൽ പെട്ടത്. മണമേൽ ജോസഫ് മാത്യു(65), ആൻസമ്മ (64), വധു മെറിൻ ജോർജ് (27), മാതാവ് ആനീസ് ജോർജ് (55) എന്നിവർക്കാണ് പരിക്കേറ്റത്. ഇവരെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.
പൊൻകുന്നം പോലീസ് മേൽനടപടി സ്വീകരിച്ചു. ആശുപത്രിയിൽ ചികിത്സയിലുള്ള മെറിനെ കല്യാണ പന്തലിൽ എത്തിച്ച് ചടങ്ങ് നടത്തുമെന്ന് വീട്ടുകാർ അറിയിച്ചു.
