തിരുവനന്തപുരം: ബൈക്കിൽ കറങ്ങി നടന്ന് വിദ്യാർഥിനികളടക്കമുള്ളവരോട് അപമര്യാദയായി പെരുമാറിയ യുവാവിനെ സിറ്റി ഷാഡോ പോലീസ് പിടികൂടി.കേശവദാസപുരം ചൈതന്യ ഹോസ്പിറ്റലിന് സമീപം താമസിക്കുന്ന ആരോണ് ലാൽ വിൻസന്‍റ് (26) നെയാണ് മ്യൂസിയം പോലീസ് അറസ്റ്റ് ചെയ്തത്.
നഗരത്തിൽ ഒരു യുവാവ് ഇരുചക്രവാഹനത്തിൽ കറങ്ങി നടന്ന് സത്രീകളോട് അപമര്യാദയായി പെരുമാറുന്ന ചില കേസുകൾ ശ്രദ്ധയിൽപ്പെട്ടതിനെ തുടർന്ന് സിറ്റി പോലീസ് കമ്മീഷണർ പി.പ്രകാശ് ഇയാളെ പിടികൂടുന്നതിനായി കണ്ട്രോൾ റൂം ഏസി സുരേഷ് കുമാറിന്‍റെ നേതൃത്വത്തിലുള്ള ഷാഡോ സംഘത്തെ നിയോഗിക്കുകയായിരുന്നു.
ടെക്നോപാർക്കിലെ ഉദ്യോഗസ്ഥനായ ഇയാൾ ആളൊഴിഞ്ഞ പ്രദേശങ്ങളിൽ ബൈക്കിൽ എത്തി സ്ത്രീകളോട് അപമര്യാദയായി പെരുമാറുക യായിരുന്നു . പോലീസ് നടത്തിയ ചോദ്യം ചെയ്യലിൽ ഇടപ്പഴിഞ്ഞി സിഎസ്എം നഗറിനു സമീപത്തു വച്ചു സ്കൂൾ വിദ്യാർഥിനിയെ ആക്രമിച്ചത്, അതിനടത്തു തന്നെയുള്ള മറ്റൊരു സ്ഥലത്ത് സ്ത്രീയെ നഗ്നതാപ്രദർശനം നടത്തിയതും പട്ടം എൽഐസി ലൈനിലെ സ്ത്രീയോട് അപമര്യാദയായി പെരുമാറിയത്, ചാരച്ചിറ കുളത്തിനു സമീപത്തു സ്ത്രീകളോട് അനാവശ്യം പറഞ്ഞതും ഒരു സ്ത്രീയെ ആക്രമിച്ചതുമുൾപ്പെടെയുള്ള നിരവധി കേസുകളാണ് ഇയാൾ സമ്മതിച്ചത്.
കണ്ട്രോൾ റൂം ഏസി വി.സുരേഷ്കുമാർ, മ്യൂസിയം സിഐ പ്രശാന്ത്, മ്യൂസിയം എസ്ഐ സുനിൽ, ഷാഡോ എസ്ഐ സുനിൽലാൽ, ഷാഡോ ടീമംഗങ്ങൾ എന്നിവരാണ് പ്രതിയെ പിടികൂടിയത്.
