കട്ടപ്പന: സ്വകാര്യബസ് മറിഞ്ഞ് നിരവധിപേർക്ക് പരിക്ക്. കുട്ടിക്കാനം-കട്ടപ്പന റോഡിൽ ഏലപ്പാറയ്ക്കു സമീപം ചിന്നാറിലാണ് ബസ് മറിഞ്ഞത്. ഇന്നു രാവിലെ 9.30-നാണ് അപകടം. ഇന്നു രാവിലെ ചങ്ങനാശേരിയിൽ നിന്നു കട്ടപ്പനയ്ക്കു പള്ളിപറന്പിൽ ബസാണ് അപകടത്തിൽപ്പെട്ടത്.
വിദ്യാർഥികളടക്കം ബസിൽ നിറയെ യാത്രക്കാരുണ്ടായിരുന്നു. നിയന്ത്രണംവിട്ട ബസ് തലകീഴായി മറിയുകയായിരുന്നു. ബസിനടിയിൽപ്പെട്ട ഡ്രൈവർ ഉപ്പുതറ സ്വദേശി അജിയെ നാട്ടുകാർ അരമണിക്കൂറോളം പണിപ്പെട്ടാണ് പുറത്തെടുത്തത്. ഡ്രൈവറെ പീരുമേട് താലൂക്ക് ആശുപത്രിയിലേക്കു മാറ്റി. പരിക്കേറ്റ് ആരുടെയും നില ഗുരുതരമല്ല.
