യാത്രക്കാരുടെ ശ്രദ്ധയ്ക്ക്! പെ​ണ്‍​തി​രു​ട്ടു​സം​ഘം വീ​ണ്ടും വിലസുന്നു ; തിരക്കുള്ള ബസുകളിൽ പോ​ലീ​സിന്‍റെ മി​ന്ന​ൽ പ​രി​ശോ​ധ​ന

തൊ​ടു​പു​ഴ: ബ​സു​ക​ൾ കേ​ന്ദ്രീ​ക​രി​ച്ചു മോ​ഷ​ണം ന​ട​ത്തു​ന്ന ത​മി​ഴ്പെ​ണ്‍ സം​ഘ​ങ്ങ​ൾ ഒ​രി​ട​വേ​ള​യ്ക്കു​ശേ​ഷം തൊ​ടു​പു​ഴ മേ​ഖ​ല​യി​ൽ സ​ജീ​വ​മാ​കു​ന്നു.

ര​ണ്ടാ​ഴ്ച​യ്ക്കി​ടെ മൂ​ന്നു കേ​സു​ക​ളാ​ണ് തൊ​ടു​പു​ഴ സ്റ്റേ​ഷ​ൻ പ​രി​ധി​യി​ൽ ല​ഭി​ച്ച​ത്. ശ​നി​യാ​ഴ്ച​ക​ളി​ൽ ബ​സു​ക​ളി​ൽ തി​ര​ക്കു കൂ​ടു​ത​ൽ അ​നു​ഭ​വ​പ്പെ​ടു​ന്ന​തി​നാ​ൽ ഈ ​ദി​വ​സ​ങ്ങ​ളി​ലാ​ണ്് കൂ​ടു​ത​ൽ മോ​ഷ​ണ​ങ്ങ​ളും ന​ട​ക്കു​ന്ന​ത്. ഇ​ന്ന​ലെ തൊ​ടു​പു​ഴ പോ​ലീ​സ് വി​വി​ധ സ​മ​യ​ങ്ങ​ളി​ലാ​യി തൊ​ടു​പു​ഴ പ്രൈ​വ​റ്റ് ബ​സ സ്റ്റാ​ൻ​ഡി​ലും മ​റ്റും ബ​സു​ക​ളി​ലും മി​ന്ന​ൽ പ​രി​ശോ​ധ​ന ന​ട​ത്തി.

യാ​ത്ര​ക്കാ​ർ​ക്ക് മോ​ഷ്ടാ​ക്ക​ളെ​ക്കു​റി​ച്ച് മു​ന്ന​റി​യി​പ്പും ന​ൽ​കി. പ​ല വേ​ഷ​ത്തി​ലും ഭാ​വ​ത്തി​ലും ക​റ​ങ്ങു​ന്ന ഇ​ക്കൂ​ട്ട​ർ ബ​സ് സ്റ്റോ​പ്പു​ക​ളി​ലും തി​ര​ക്കു​ള്ള ബ​സി​ലു​മെ​ല്ലാം യാ​ത്ര​ക്കാ​രെ​ന്ന വ്യാ​ജേ​ന ക​യ​റി മോ​ഷ​ണം ന​ട​ത്തി മു​ങ്ങു​ന്ന​താ​ണ് പ​തി​വ് രീ​തി​യെ​ന്ന് പോ​ലീ​സ് പ​റ​യു​ന്നു. തി​രു​ട്ടു​ഗ്രാ​മ​ങ്ങ​ളി​ൽ നി​ന്നു​മാ​ണ് പെ​ണ്‍​മോ​ഷ്ടാ​ക്ക​ൾ എ​ത്തു​ന്ന​തെ​ന്നാ​ണ് വി​വ​രം. മോ​ഷ​ണ​ത്തി​ൽ പ്രാ​വീ​ണ്യം നേ​ടി​യ തി​രു​ട്ടു​പെ​ണ്‍​സം​ഘ​ങ്ങ​ൾ യാ​ത്രി​ക​ർ അ​റി​യാ​തെ മോ​ഷ​ണം ന​ട​ത്തു​മെ​ന്ന​തു പ്ര​ത്യേ​ക​ത​യാ​ണ്.

തി​ര​ക്കേ​റി​യ റൂ​ട്ടു​ക​ൾ കേ​ന്ദ്രീ​ക​രി​ച്ചാ​ണ് മോ​ഷ​ണ​ങ്ങ​ളി​ൽ അ​ധി​ക​വും എ​ന്നാ​ണ് വി​വ​രം. ആ​റു മാ​സം മു​ൻ​പ് വി​വി​ധ സം​ഭ​വ​ങ്ങ​ളി​ലാ​യി ഒ​ന്ന​ര​ല​ക്ഷ​ത്തോ​ളം രൂ​പ​യാ​ണ് ന​ഗ​ര​ത്തി​ൽ വി​വി​ധ ബ​സു​ക​ളി​ൽ നി​ന്നും മോ​ഷ​ണം പോ​യ​താ​യി പ​രാ​തി​യു​ള്ള​ത്.

തി​രു​ട്ടു​പെ​ണ്‍​സം​ഘ​ത്തി​നു ഓ​ടു​ന്ന ബ​സി​ലെ മോ​ഷ​ണ​മാ​ണ് താ​ൽ​പ​ര്യം. അ​തു കൊ​ണ്ടു ത​ന്നെ റി​സ്ക്ക് ഇ​വ​ർ​ക്കു കു​റ​വാ​ണ്. കൂ​ടെ​യാ​ത്ര ചെ​യ്യു​ന്ന സ്ത്രീ​ക​ൾ പോ​ലും അ​റി​യാ​തെ ബാ​ഗു​ക​ൾ കീ​റാ​നൊ​രു ക​ഴി​വാ​ണ് ഇ​വ​രു​ടെ കൈ​മു​ത​ൽ. ഓ​ടു​ന്ന ബ​സി​ൽ യാ​ത്ര​ക്കാ​രി​യു​ടെ ബാ​ഗി​ൽ​നി​ന്ന് പ​ണം മോ​ഷ്ട​ിക്കു​ന്ന​തി​നി​ടെ പി​ടി​ക്ക​പ്പെ​ടു​മെ​ന്ന് ക​ണ്ട​പ്പോ​ൾ സ്കൂ​ൾ വി​ദ്യാ​ർ​ഥി​നി​യു​ടെ ബാ​ഗി​ൽ നി​ക്ഷേ​പി​ച്ച് ര​ക്ഷ​പ്പെടാ​ൻ ശ്ര​മി​ച്ച ത​മി​ഴ് യു​വ​തി​യെ പോ​ലീ​സ് പി​ടി​കൂ​ടി​യ​ത് അ​ടു​ത്ത കാ​ല​ത്താ​ണ്.

ന​ല്ല വ​സ്ത്ര​മ​ണി​ഞ്ഞു തി​ര​ക്കു​ള്ള ബ​സി​ൽ ക​യ​റു​ന്ന ഇ​ക്കൂ​ട്ട​ർ സ്ത്രീ​ക​ളു​ടെ മാ​ല, ബാ​ഗ്, പ​ഴ്സ് മു​ത​ലാ​യ​വ​യാ​ണ് പ്ര​ധാ​ന​മാ​യും ല​ക്ഷ്യ​മി​ടു​ന്ന​ത്. മോ​ഷ​ണം ന​ട​ത്തി​യ​ശേ​ഷം മോ​ഷ​ണ​മു​ത​ൽ ഒ​പ്പ​മു​ള്ള​യാ​ൾ​ക്കു കൈ​മാ​റി, അ​ടു​ത്ത സ്റ്റോ​പ്പി​ലി​റ​ങ്ങി മു​ങ്ങു​ക​യാ​ണ് ചി​ല​രു​ടെ രീ​തി​യെ​ന്നു പോ​ലീ​സ് പ​റ​ഞ്ഞു.

ബ​സി​ൽ മ​നഃ​പൂ​ർ​വം തി​ക്കും തി​ര​ക്കു​മു​ണ്ടാ​ക്കി അ​തി​നി​ടെ പ​ണ​വും മ​റ്റും ക​വ​ർ​ന്നു സ്ഥ​ലം​വി​ടു​ന്ന​താ​ണ് ചി​ല​രു​ടെ രീ​തി. ഇ​വ​ർ ബ്ലേ​യ്ഡാ​ണ്സാ​ധാ​ര​ണ ഉ​പ​യോ​ഗി​ക്കു​ന്ന​ത്. ചി​ല​പ്പോ​ൾ ഉ​റ​ക്കം ന​ടി​ക്കും. അ​ടു​ത്തി​രി​ക്കു​ന്ന​വ​രു​ടെ ശ​രീ​ര​ത്തി​ലേ​ക്കു മെ​ല്ലെ ചാ​യും. ഇ​തി​നി​ടെ ഇ​വ​രു​ടെ ഇ​ടം​കൈ സ​ഹ​യാ​ത്രി​ക​യു​ടെ ബാ​ഗി​നു മു​ക​ളി​ലെ​ത്തും.

സി​പ്പ് തു​റ​ന്ന് ഉ​ള്ളി​ലു​ള്ള പ​ഴ്സും പൊ​തി​യും അ​ടി​ച്ചു​മാ​റ്റും. മോ​ഷ​ണം ന​ട​ത്തി​യാ​ൽ അ​ടു​ത്ത സ്റ്റോ​പ്പി​ലി​റ​ങ്ങി മ​റ്റൊ​രു ബ​സി​ൽ ക​യ​റി സ്ഥ​ലം കാ​ലി​യാ​ക്കും. ഒ​ന്നു​മ​റി​യാ​തെ ഇ​രി​ക്കു​ന്ന​വ​ർ മോ​ഷ്ടാ​ക്ക​ൾ മ​റു​ക​ര ക​ട​ക്കു​ന്പോ​ൾ മാ​ത്ര​മാ​ണ് പ​ണ​വും സ്വ​ർ​ണ​വും ന​ഷ്ട​പ്പെ​ട്ട വി​വ​രം അ​റി​യു​ക. ആ​ളു​ക​ളു​ടെ ശ്ര​ദ്ധ തെ​റ്റി​ക്കാ​ൻ ഓ​ക്കാ​നി​ക്കു​ന്ന​തു​പോ​ലെ​യോ സു​ഖ​മി​ല്ലാ​ത്ത​തു​പോ​ലെ​യോ അ​ഭി​ന​യി​ച്ചു ത​ട്ടി​പ്പു ന​ട​ത്തു​ന്ന​വ​രു​മു​ണ്ട്.

ക​ഷ്ട​പ്പെ​ട്ടു പ്ര​തി​ക​ളെ പി​ടി​കൂ​ടി​യാ​ലും പ​ല​പ്പോ​ഴും ഇ​വ​ർ നി​സാ​ര​മാ​യി കേ​സി​ൽ നി​ന്ന് ഉൗ​രി​പ്പോ​കു​ക​യും മോ​ഷ​ണം തു​ട​രു​ക​യും ചെ​യ്യു​ക​യാ​ണു പ​തി​വെ​ന്നു പോ​ലീ​സ് പ​റ​ഞ്ഞു.ബ​സി​ൽ യാ​ത്ര ചെ​യ്യു​ന്പോ​ൾ ഇ​വ​ർ ബാ​ഗു​കീ​റി​യാ​ൽ പോ​ലും ആ​രും അ​റി​യി​ല്ല. കൈ​യി​ൽ കു​ഞ്ഞു​മാ​യി വ​രെ ബ​സി​ൽ ക​യ​റും. തി​ര​ക്കു​ള്ള ബ​സാ​ണ് ഇ​വ​ർ​ക്കു പ്രി​യം. ന​ഗ​ര​ത്തി​ലൂ​ടെ സ​ർ​വീ​സ് ന​ട​ത്തു​ന്ന ബ​സൊ​ന്നും വേ​ണ​മെ​ന്നി​ല്ല.

ക​ണ്ടാ​ൽ പെ​ട്ടെ​ന്നു ഇ​റ​ക്കി​വി​ടാ​ൻ ആ​രും ത​യാ​റാ​കാ​ത്ത​വി​ധം വേ​ഷം കെ​ട്ടും. ആ​രെ​ങ്കി​ലും ഇ​വ​രെ ക​ണ്ടാ​ൽ അ​ടു​ത്തു​നി​ൽ​ക്കു​ന്ന യാ​ത്രി​ക​യു​ടെ ബാ​ഗി​ൽ മോ​ഷ​ണ സാ​ധ​നം വ​ച്ച് ര​ക്ഷ​പ്പെ​ടാ​നു​ള്ള ത​ന്ത്ര​വും ഇ​വ​ർ​ക്ക​റി​യാം. ബ​സി​ലെ യാ​ത്ര​ക്കാ​രെ പ​രി​ശോ​ധി​ച്ചാ​ൽ അ​ടു​ത്തു​നി​ൽ​ക്കു​ന്ന നി​ര​പ​രാ​ധി കു​ടു​ങ്ങും. പു​രു​ഷ​ൻ​മാ​ർ പോ​ലും ഇ​വ​രു​ടെ മു​ന്നി​ൽ തോ​റ്റു​പോ​കും. അ​ത്ര​മാ​ത്രം മി​ടു​ക്കി​ക​ളാ​ണ് ഇ​വ​ർ. അ​തു കൊ​ണ്ടാ​ണ് മാ​ഫി​യാ​സം​ഘ​ങ്ങ​ൾ ഇ​വ​രെ ബ​സു​ക​ളി​ലേ​ക്കു ക​യ​റ്റി​വി​ടു​ന്ന​ത്.