കടുത്തുരുത്തി: കൗതുക കാഴ്ച്ചയായി കപ്ലങ്ങയ്ക്കുള്ളിൽ കുഞ്ഞ് കപ്ലങ്ങ. കടുത്തുരുത്തി സിവിഎൻ കളരി ക്വർട്ടേഴ്സിൽ താമസിക്കുന്ന ജയസേനൻ നട്ടുവളർത്തിയ കപ്ലത്തിലുണ്ടായ കപ്ലങ്ങയുടെ ഉള്ളിലാണ് മറ്റൊരു കപ്ലങ്ങ കണ്ടെത്തിയത്. കഴിഞ്ഞദിവസം കറിക്കായി പറിച്ചെടുത്ത കപ്ലങ്ങ മുറിച്ചപ്പോഴാണ് ഉള്ളിൽ ചെറിയ കപ്ലങ്ങ കാണുന്നത്.
മുറിച്ച കപ്ലങ്ങയിൽ കുരുക്കളൊന്നും ഇല്ലായിരുന്നുവെന്നും പകരം മറ്റൊരു കപ്ലങ്ങയാണ് കണ്ടെത്തിയതെന്നും വീട്ടുകാർ പറയുന്നു. വെള്ള നിറമാണ് ഉള്ളിലുണ്ടായിരുന്ന ചെറിയ കപ്ലങ്ങയ്ക്ക്. കൗതുകമായ കപ്ലങ്ങ കാണാൻ നിരവധിയാളുകളാണ് എത്തുതെന്നും ജയസേനൻ പറഞ്ഞു.
