ആലപ്പുഴ: തോമസ് ചാണ്ടി വിഷയത്തിൽ ആരും ശാഠ്യം കാണിക്കേണ്ടെന്നു കേരള കോണ്ഗ്രസ്-ബി ചെയർമാൻ ആർ. ബാലകൃഷ്ണപിള്ള. ഈ വിഷയത്തിൽ സർക്കാരിനു നിയമോപദേശം ലഭിച്ചിട്ടുണ്ട്. അതുകൊണ്ടുതന്നെ എൽഡിഎഫിനോ മുഖ്യമന്ത്രിക്കോ ചാണ്ടിയുടെ കാര്യത്തിൽ തീരുമാനമെടുക്കാം. ഇക്കാര്യത്തിൽ ആരും ശാഠ്യം കാണിക്കേണ്ട കാര്യമില്ല.
തോമസ് ചാണ്ടി എംഎൽഎ ആയപ്പോഴും മന്ത്രിയായപ്പോഴും അയാളെ തനിക്കറിയില്ല. അയാളുടെ റിസോർട്ടിലും പോയിട്ടില്ല. ആലപ്പുഴയിൽ മാധ്യമ പ്രവർത്തകരോടു സംസാരിക്കുകയായിരുന്നു ബാലകൃഷ്ണപിള്ള. സരിതയുടെ 22 കടലാസുളള കത്താണു താൻ വായിച്ചത്. അതിനെയാണ് ഇപ്പോൾ 44 പേജെന്നു പറയുന്നത്. കത്തിലെ അശ്ലീലം ഒഴിവാക്കി ബാക്കിയുളള കാര്യങ്ങൾ താൻ കമ്മീഷനു മുന്പാകെ വിവരിച്ചതായും പിളള പറഞ്ഞു.
