ബംഗളൂരു വിമാനത്താവളത്തില്‍ രണ്ടു തീവ്രവാദികള്‍ എത്തിയിട്ടുണ്ട്! കരിപ്പൂര്‍ വിമാനത്താവള ഡയറക്ടര്‍ക്ക് അജ്ഞാതന്റെ കത്ത്; സിസിടിവി പരിശോധിച്ചു അന്വേഷണം

സ്വ​ന്തം ലേ​ഖ​ക​ൻ

കൊ​ണ്ടോ​ട്ടി: ബം​ഗ​ളൂ​രു വി​മാ​ന​ത്താ​വ​ള​ത്തി​ൽ ര​ണ്ടു തീ​വ്ര​വാ​ദി​ക​ൾ എ​ത്തി​യി​ട്ടു​ണ്ടെ​ന്നു അ​റി​യി​ച്ച് ക​രി​പ്പൂ​ർ വി​മാ​ന​ത്താ​വ​ള ഡ​യ​റ​ക്ട​ർ​ക്ക് അ​ജ്ഞാ​ത​ന്‍റെ ക​ത്ത്. ബു​ധ​നാ​ഴ്ച ഉ​ച്ച​യോ​ടെ കൊ​ണ്ടോ​ട്ടി​യി​ൽ നി​ന്നു ത​പാ​ലി​ൽ ക​രി​പ്പൂ​ർ വി​മാ​ന​ത്താ​വ​ള ഡ​യ​റ​ക്ട​ർ​ക്കാ​യി എ​ത്തി​യ ക​ത്തി​ലാ​ണ് തീ​വ്ര​വാ​ദി​ക​ളു​ടെ വി​വ​ര​ണ​ങ്ങ​ളു​ള്ള​ത്. ഡ​ൽ​ഹി​യി​ൽ നി​ന്നു ര​ണ്ടു തീ​വ്ര​വാ​ദി​ക​ൾ ബം​ഗ​ളൂ​രു വി​മാ​ന​ത്താ​വ​ള​ത്തി​ൽ എ​ത്തി സ​മീ​പ​ത്തെ ആ​ൽ​ഫ കെ​ട്ടി​ട​ത്തി​ൽ ഒ​ളി​ച്ചി​രി​ക്കു​ന്നു​ണ്ടെ​ന്നും ഈ ​വി​വ​രം അ​റി​യി​ക്ക​ണ​മെ​ന്നു​മാ​ണ് ക​ത്തി​ന്‍റെ ഉ​ള്ള​ട​ക്കം. ക​ത്ത് ആ​രെ​ഴു​തി​യ​താ​ണെ​ന്ന് വ്യ​ക്ത​മാ​യി​ട്ടി​ല്ലെ​ങ്കി​ലും കൊ​ണ്ടോ​ട്ടി​യി​ൽ നി​ന്നു പോ​സ്റ്റ് ചെ​യ്ത​താ​ണെ​ന്ന് ക​ണ്ടെ​ത്തി. ഇം​ഗ്ലീ​ഷി​ലാ​ണ് വി​വ​ര​ങ്ങ​ൾ എ​ഴു​തി​യി​രി​ക്കു​ന്ന​ത്.

ക​ത്ത് കി​ട്ടി​യ ഉ​ട​നെ വി​വ​രം എ​യ​ർ​പോ​ർ​ട്ട് ഡ​യ​റ​ക്ട​ർ ജെ.​ടി.​രാ​ധാ​കൃ​ഷ്ണ ഡ​യ​റ​ക്ട​ർ ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​നി​ലും(​ഡി​ജി​സി​എ) ബം​ഗ​ളൂ​രൂ വി​മാ​ന​ത്താ​വ​ള​ത്തി​ലും കേ​ന്ദ്ര സു​ര​ക്ഷ സേ​ന​യി​ലും അ​റി​യി​ച്ചു. ബം​ഗ​ളൂ​രു വി​മാ​ന​ത്താ​വ​ള​ത്തി​ൽ സു​ര​ക്ഷ സേ​ന പ​രി​ശോ​ധ​ന ന​ട​ത്തി​യെ​ങ്കി​ലും ആ​രെ​യും ക​ണ്ടെ​ത്താ​നാ​യി​ല്ല. സം​ഭ​വ​ത്തി​ന്‍റെ പ​ശ്ചാ​ത്ത​ല​ത്തി​ൽ ക​രി​പ്പൂ​രി​ലും സു​ര​ക്ഷ​യും ശ​ക്ത​മാ​ക്കി. ക​ത്തി​ന്‍റെ ഉ​റ​വി​ടം തേ​ടി​യു​ള​ള അ​ന്വേ​ഷ​ണം അ​ധി​കൃ​ത​ർ ശ​ക്ത​മാ​ക്കി​രി​ക്കു​ക​യാ​ണ്. അ​തി​നി​ടെ വി​മാ​ന​ത്താ​വ​ള​ത്തി​ലെ എ​യ്ഡ് പോ​സ്റ്റി​നു സ​മീ​പ​ത്തെ ലെ​റ്റ​ർ ബോ​ക്സി​ൽ ര​ണ്ടു​പേ​ർ ബൈ​ക്കി​ലെ​ത്തി ക​ത്തു കൊ​ണ്ടി​ടു​ന്ന​താ​യി വി​മാ​ന​ത്ത​വ​ള​ത്തി​ലെ സി​സി​ടി​വി ദൃ​ശ്യ​ങ്ങ​ളി​ൽ ക​ണ്ടെ​ത്തി​യി​ട്ടു​ണ്ട്്. ഇ​വ​രു​ടെ മു​ഖം വ്യ​ക്ത​മ​ല്ല. അ​തേ​സ​മ​യം ബോം​ബ് സ്ക്വാ​ഡും ഡോ​ഗ് സ്ക്വാ​ഡും ക​രി​പ്പൂ​രി​ൽ പ​രി​ശോ​ധ​ന ന​ട​ത്തി​യെ​ങ്കി​ലും അ​സ്വ​ഭാ​വി​ക​ത​യു​ള്ള​താ​യി ക​ണ്ടെ​ത്തി​യി​ട്ടി​ല്ല. സി​സി​ടി​വി​യി​ലു​ള്ള ദൃശ്യം ​പ​രി​ശോ​ധി​ച്ചു അ​ന്വേ​ഷ​ണം ആ​രം​ഭി​ച്ച​താ​യി കൊ​ണ്ടോ​ട്ടി സി​ഐ അ​റി​യി​ച്ചു.