ഇരകളെ വേട്ടയാടുന്ന കാര്യത്തിലും മുന്നിൽ തന്നെയാണ് കാട്ടിലെ രാജാവെങ്കിലും ഈ പൊക്കക്കാരന്‍റെ മുൻപിൽ സാധാരണ സിംഹം പരാജയപ്പെടുകയാണ് പതിവ്. വലിയ ജിറാഫുകളെ പിടികൂടാന്‍ സാധിക്കാതെ വരുമ്പോൾ പലപ്പോഴും വേട്ടയാടുന്നത് കുട്ടി ജിറാഫുകളെയാണ്.
ഇങ്ങനെ ഒരു കുട്ടി ജിറാഫിനെ നോട്ടമിട്ട സിംഹത്തില്‍ നിന്ന് തന്‍റെ കുഞ്ഞിനെ രക്ഷിക്കാന്‍ ഒരു അമ്മ ജിറാഫ് നടത്തിയ ശ്രമങ്ങളാണ് ഇപ്പോൾ സോഷ്യൽ മീഡിയൽ പ്രചരിക്കുന്നത്.
കെനിയയിലെ മാസായ് മാറയിലാണ് സിംഹം കുട്ടി ജിറാഫിനു പിന്നാലെ കൂടിയത്. സിംഹത്തില്‍ നിന്നു കുഞ്ഞിനെ രക്ഷിക്കാന്‍ കുഞ്ഞിനെ സ്വന്തം കാല്‍ക്കീഴിലാക്കി അമ്മ ജിറാഫ് സിംഹത്തിനെ ചെറുക്കാൻ ശ്രമിക്കുന്നു.
ഒടുക്കം കുട്ടിയെ വേട്ടായാടാൻ പറ്റാതിരുന്ന സിംഹം അമ്മ ജിറാഫിന്‍റെ മുകളിലേക്ക് ചാടിക്കയറുന്നു. കുതറിമാറി രക്ഷപ്പെടാൻ ശ്രമിച്ച് ഓടുന്നതിനിടയിൽ കുട്ടി ജിറാഫ് നിലത്തുവീണു. ഈ തക്കം മുതലാക്കി സിംഹം കുട്ടി ജിറാവിനെ പിടികൂടുന്നു.
