അകാശ് ഖുറാന സംവിധാനം ചെയ്യുന്ന കാർവാനു ശേഷം ദുൽഖർ സൽമാൻ വീണ്ടും ബോളിവുഡിലേക്ക്. അനുരാഗ് കശ്യപ് സംവിധാനം ചെയ്യുന്ന മൻമർസിയാൻ എന്ന ചിത്രത്തിലാണ് ഡിക്യു നായകനാകുന്നത്. തപ്സി പന്നു, വിക്കി കൗശൽ എന്നിവരാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. പ്രണയം പ്രമേയമായ ചിത്രത്തിന്‍റെ പ്രധാന ലൊക്കേഷൻ ഹിമാചൽപ്രദേശാണ്.
2015ൽ പ്രഖ്യാപിച്ച ചിത്രമാണ് മൻമർസിയാൻ. സമീർ ശർമ സംവിധാനം ചെയ്യാൻ തീരുമാനിച്ചിരുന്ന ചിത്രത്തിൽ ആയുഷ്മാൻ ഖുറാന, ഭൂമി പഡ്നേക്കർ എന്നിവരെയാണ് പ്രധാന കഥാപാത്രങ്ങളായി തീരുമാനിച്ചിരുന്നത്. എന്നാൽ ചിത്രം മാറ്റിവെയ്ക്കുകയായിരുന്നു. ജനുവരിയിൽ ചിത്രത്തിന്‍റെ ഷൂട്ടിംഗ് ആരംഭിക്കുമെന്നാണ് റിപ്പോർട്ട്.
